منتدى السنة للحوار العربى - يا مصر (شهيد الحدود يودع ترابك الودود )

[SIZE="5"][COLOR="Black"][CENTER]:بس:

[COLOR="Red"]يا مصر (شهيد الحدود يودع ترابك الودود )[/COLOR]

دمى ارتوت به حدودك
صائم وبفطر على تمرك
مصلى وبدعى ربى يصونك
ترابك صرخ فاهتزت ربوعك
جفونك بكت دم يجرى فى عروقك
ودعتينى يا بلادى وأنا فدا ليكى
ودعتينى يا بلادى وأنا عريس
الحنة مازالت فى كف إيدى
لو صبروا على لكانت أرضك ارتوت بيهم
لكان ترابك حضنهم وصار لهيب فيهم
لكن دخلوا الأندال وبغدر ذبحوا فينا
خطفوا التمر من جوفنا ولم يصل لينا
سرقوا الروح من بين ضلوعنا
سرقوا فرح ليالينا
أندال عارفين إنى شايل على يدى كفنى
عارفين إنى بايع روحى ليكى
ما بخاف إلا الله حاميكى
عارفين إنى إبن وحفيد بطل فيكى
نذر روحه فدا ليكى
دخلوا بغدر علينا وصار الموت أحن منهم علينا
لو متنا إحنا فيكى ملايين أبطال فدا ليكى
شوفى مكانى الآن أسود ونسور تغطيكى
شايلين هم كمان كفنهم فدا ليكى
يا حبيبتى يا بلادى أنا شهيد
دمى جعل ترابك مقبرة ليه
لمن يفكر ولو ثوانى يعيش فيه
يا ولاد بلادى
متنسوش إنى كنت حارس بعد الله ليكم
متنسوش إنى مت وأنا واقف على الحدود بحميكم
اقسموا يا ولاد بلادى إنكم مكانى فى أراضيكم
إنكم لن ترضوا الركوع إلا لله حاميكم
لن ترضوا بالأندال تعيش أحباب ليكم

[COLOR="Red"]بقلم أختكم فى الله : هازمة إبليس[/COLOR]

الرجاء الدعاء للجنود شهداء الحدود المصرية وجميع شهداء الأمة الإسلامية
[/CENTER][/COLOR][/SIZE]