[البتراء]

تمام أنا متفهم لموقفك يا أخى العزيز
أنا قرأت الموضوع الى حضرتك حطتهولى وهو موضوع ممتاز بارك الله فىكاتبه وجعله فى ميزان حسناته
بس أنا على قد معلوماتى ووممكن تكون خاطئة
ان بالنسبة لبيعة يزيد
إلى قرأت انها لم تتم بالأمر المكتوب فى الموضوع بل على العكس
ما قرأته أن معاوية خالف اتفاقه مع الحسن بترك أمر الخلافة شورى بين المؤمنين من بعد معاوية لكن معاوية خالف الاتفاق وقرر أخذ البيعة لإبنه فى أواخر عهده ما أغضب الحسين وعبد الله بن الزبير
المكتوب ان الى حصل العكس ان اهل الشام اقترحوا و معاوية كان بيستشير اهل الأمصار المختلفة فى بيعة يزيد
يعنى معاوية لم يفرض يزيد على الناس كما فى الرواية الاولى
فأيهما الأصح؟؟؟
أتمنى حضرتك تقولى
..........
يعنى خلاصة الموضوع أن يزيد كان شخص جيد والذى شوه صورته هى كتب الشيعة
أما عدم أخذه بالثأر من قتلة الحسين ؟ مثلها مثل عدم أخذ على بالثأر لقتله عثمان ؟
قد يرجع ذلك إلىظروف الدولة وقتها وكم الفتن الذى كان يحيط بالدولة
بس أصدقك القول يا أخى العزيز وأرجو ان يتسع صدرك لى
بصراحة مش شايف ده سبب مقنع
أن الخليفة الى كان بيحب آل البيت يفرط فى قتلة حفيد الرسول ومش يعملهم حاجة
مش عارف بس أعتقد أن ده تناقض كبير
يعنى إزاى أنا مش عاوز أخد التار علشان الوقت ميسمحش وخوفا على الدولة
طيب ماهو فى نفس الوقت اهل الدولة دى مش هيسيبونى فى حالى وهيحترموا ازاى خليفتهم وهو لم يأخذ ثأر الحسين ؟
أرجو لو كان فى كلامى خطأ تصححهولى
أنا متابع مع حضرتك وسعيد بالنقاش ده