[بنت ملكة العفاف]

كل النماذج التى سبق ذكرها وغيرها الكثير كانت مجرد طريقه لمحاوله توصيل اهميه ان يكون فى اولويات الوالدين تدعيم ثقه الطفل بنفسه وتنميه سلوكه الاجتماعى

فلتتركى عزيزتى الام المساحه امام ابنائك ان يحتكوا بالحياه مع الحرص على ان تكون تنشئه الطفل منذ البدايه على اساسيات هامه من شأنها جعل الطفل لديه القدره على التعامل بشكل سليم
اعطى لطفلك المساحه ان يتحدث ويعبر عن رأيه
بل وأن يناقش " دون ان تعتبريه دماغه ناشفه ومش بيسمع الكلام " يعنى موضوع مثلا بتحاولى تقنعيه بيه بيرد عليك ويناقشك برضه اسمعيه
وخلى دايما مبدأك معاه يا تقنعنى يا اقنعك بكده هتخليه يسلم برأيك اول ما يوصل معاكى لنقطه بانت له فيها ان هو غلط
الفرق هنا
* ان لو الطفل هادي ومسالم ممكن تتكلمى معاه وتوجهى له امر او معلومه معينه وساعتها قالك حاضر يا ماما فى الوقت ده هو بالنسبه لك طفل مريح ومطيع وبيسمع الكلام
* والطفل المشاغب من وجه نظر والدته هى لما توجه له اى امر او نصيحه ميكونش مقتنع وممكن تصدر منه حاجات تحسسك انه مشاغب
طب ليه مش نستغل النقطه دى باننا ننمى القدره على الحوار مع الطفل اديه مساحه يعبر عن رايه واعرفه ان مش دايما رايه هو الى صح
انا كده مع الوقت ابنى هيكون اكتسب المهاره الكافيه على الحوار وعنده الثقه انه يخوض الحوار
يعنى انا ممكن يكون طفلى هادى جدا ومسالم وساعتها هيكبر طفلى من غير ما احاول انمى عنده القدره على النقاش والحوار مشكلته هتبان فى الكبر لما يكون مطالب فعلا انه يدخل فى نقاش او مطلوب منه يقنع حد بوجهه نظره

هااا لسه برضو زعلانه من مشاغبه طفلك ؟

v
v
يتبع