[محمدالحربي]

العيد ببلادي شـروخ ونوافيـر=والشام عيد الشام صوت القذيفـه
حنا لبسنا مثل لبـس المشاهيـر=والشام ملبسهم كفونـن رهيفـه
زكاتنـا بالعيـد رز ودنانـيـر=وزكاتهم بذل النفـوس الشريفـه
حنا نقضـي عيدنـا بالمساييـر=عيد السلامه والعلـوم الظريفـه
واعيادهم بالشام بجد الطوابيـر=متبادلينـه باللـيـال المخيـفـه
هم دون مكه والجزيره مخاطير=وحنا زعيم الفرس فيها نضيفـه
بقلوبنا دق النصيـري مساميـر=وزاد الغبينه يوم يسعـى حليفـه
ياعيدنا جيتـك مابـه تباشيـر=الجرح ينزف محد وقف نزيفـه
لاشك سنه من عليـم المقاديـر=اللي من افضاله بلدنـا مريفـه
لكن ترانـا بالقضيـه مخاشيـر=مانرتضي هتك الغنوج العفيفـه
اما يعم الشـام سلـم وتياسيـر=والا على قول المثـل بالنصيفـه
من خوف يوم اتدور فيه الدواوير=والعاقبه تصبـح علينـا عنيفـه
في وقتها معـاد تنفـع معاذيـر=والا الحسيفه ماتفيـد الحسيفـه
واختامهـا ياكبرهـا يالمناعيـر=ياكيف نرضى بالنصيري وحيفه