[سمايل]

بسم الله الرحمن الرحيم
قصتى:هبدأمنذ تحجبت كان نفسى جدا اتحجب فى ثانويه عامة وكان ومازال عندى صحبتى اللى معايا اغلب الوقت لما كنا فى فصل واحد المهم سمعت مرة انى لو لم اتحجب قبل الجامعة مش هتحجب فيها لانه فيها الدنيا مفتوحة وعرض الازياء مستمر والحجاب اصعب فيها وانا زى مايكون الكلمة دى قاعدة مسلم بيها اقتنعت بيها ورددتها ومقدرتش ودخلت الكلية وانا كلى زهق كان نفسى ادخل مع صاحبتى الكلية بتاعتها وكتبتها رغبة ثانية ولكن جاتلى الرغبة الاولى ورحت واول يوم سبت كليتى ورحتلها وشفنا جدولها وثانى يوم رحت كليتى واشتركت فى نشاط هناك بردة بمنتهى الزهق وكل ده انا مش محجبة وبعد سنتين لقتها بتقول ليا انا هتحجب ؟؟؟كانت الفتر ه الى قبليها بتكلم عن امنيتى فى الحجاب امام عائلتى وكنت فى مسجد الكلية كان فى بنت (عائشة) بتشرح لنا وبتعملنى بلطف ففي يوم وانا داخلة الجامع اصلى الحمد لله كنت بصلى قالتلى نفسى فى يوم اشوفك تدخلى المسجد تقلعى مش تلبسى وفى مرة اسماء قلتلى وانافى المسجد ولابسة اسدال الصلاة شكلك فى الحجاب عامل زى الملايكة,ساعتها بصيت للسما وقلت يارب !!وبردة وقتها بدأت اشترى ملابس بكم صيفى وكانت مشكلتى ان انا كل يوم بغير ولو اتحجبت وانا معنديش لبس كتير كان خوفى الكبير لا اقلعة واكون مرتدة والله انا مكنتش بلبس بشكل ملفت(يمكن كان ملفت) ولا كنت مهتمة اوى بشكلى ولا شعرى وكنت دايما لماه شنيون حتى كانت بنت عمتى اقرب حد ليا فى اهلى كانت تقولى انا مطمنه عليكى طول ما انتى لما شعرك قصدها الصحوبية الحرام وعمرى ما حطيت ميكياج كان الجينز والتي شيرت وخلاص بس كنت بغير كل يوم وبدات انزل انا اشترى لبسى واختاره وكان فى ناس ربنا يسمحها كانت بتقولى بتصلى ازاى وانتى مش محجبة من لم تنهه صلاتة عن الفحشاء والمنكر فلا صلاة له....صحبتى لما قلتلى كدة(انا هتحجب) وكانت عكسى فى اللبس والاناقة قلت لها انا نازلة بكرة الكليه معاكى بالحجاب و ماكنتش عندى ايشاربات ولبست شال من بتوع بابا
وكان يوم ثلاثاء اليوم الى كانت دايما تقول عليه يوم فى وسط الاسبوع ملوش ....مش هينفع اقول!!! وفعلا كان اليوم ده هو البدايةجت هى المره دى ليا الكليةوالناس كلها احتفلت بينا........ وكنت مرعوبة من انى اخلعه ...معلش لازم افتكر فريدة الى دايماًدايماً تقولى ربنا يكرمك.. ودايما تندهلى بأميرة الجميلة والحمد لله الناس دى ليها على فضل والحمد لله لم اخلعة حتى اليوم وأسال الله لى ولكم الثبات حتى الممات وان يتوفنى غير مقصرة ولا مفتونة.آميييييييييييييييين.