]مــن نــوى داري بــلادي بالمـضـره والأذيّـــه
مـن بلدنـا جـاه غيـم(ن) يمطـر النـار بـغـزاره
البلـد لـه شعـب مايـرضـى بــذل(ن) أو رديّــه
والله إن يـمـوت دونــه مايعـرفـون الخـسـاره
الصدور دروع والأيـدي علـى الباغـي شظيّـه
كلنا حصـن البلـد سـور (ن) ولايهـدم سـواره
الشجاعـه فـي دمانـا سـيـل يـجـري بالحمـيّـه
مانـهـاب المعـتـدي لــو ثــار بركـانـه ونــاره
والرضيع يفز لـو يسمـع جيـوش(ن) معتديّـه
وده يدافـع عــن ديــاره وأهـلـه فــي جـسـاره
ليـه يالحوثـي علينـا نــاوي(ن) بالـشـر نـيّـه
مادحرت إبليس وأعطيت الجوار حقوق جاره
ماتعرف إنا بوقـت الحـرب ريـح(ن) سرمديّـه
نقتـلـع جــذر المـعـادي ندفـنـه فــي ذل عــاره
من دخل بيت الأسد صابه هلع وأصبح ضحيّه
والثـعـل يبـقـى ثـعـل مـكّـار مايـومـن جــواره
والله إنك خاسر(ن) في كل حال(ن) أو قضيّـه
البلـد دونـه رجـال(ن) تنتـظـر بــس الإشــاره اللهم احفظ مملكتنا الغالية واحفظ ولاة امرنا من كل شر وسوء الله يطول بعمر ابو متعب .
|