|
| جديد المواضيع |
|
|||||||
 |
|
|
أدوات الموضوع |
|
#1
2012-08-06, 04:32 PM
|
||||
|
||||
الطفلان تسنيم ومحمد ماتوا... احسبهم عند الله
  الحمدلله والصلاة والسلام على رسول الله وعلى آله وصحبه أجمعين  انا هذه القصة اثرت فيني جدا بارك الله في الاخت مسلمة وفخورة لسردها هذه القصة اترددت قبل ما اكتب القصه دى لانها مؤثره ومش قادره انساها . وقبل ما اكتبها استاذنت والدتهما اللى هى جارتى فى كتابه قصه بنتها وابنها فوافقت والمغزى من القصه العبره. ***تسنيم ومحمد والموت*** تسنيم 7سنين ومحمد 4سنين كانوا ذى بقيت الاطفال بيتمنوا اللعبه والحاجه الحلوه واكيد حضن امهم كانوا تلاثه اخوات تقى ومحمد وتسنيم كانوا ماشاء الله ادب الدنيا فيهم عمرهم ما بصوا على حد بياكل قدامهم ولا طفل ماسك حاجه حلوه عوديتهم الام على القناعه وعيب نبص على حد بياكل زرعت فيهم الامانه والادب ولو راحوا مع امهم عند اى جاره وحطوا الاكل عمرهم مايمدوا ايديهم وتحلفلى امهم انهم يكونوا لسه واكلين عيش وملح وتحسبهم اغنياء من التعفف بجد ربنا كان سترها معاهم لوبصيتى لهم من اول نظره تقولى اغنياء وبتحلف الام انهم طول شهر رمضان بيتسحروا ويفطروا فول وطعميه كبرت تسنيم وكانت من الاوائل وشفت شهادتها بعينيه ومحمد الصغير كل اللى كانت تتمناه امه انه يحفظ القران لكن خدت على نفسها عهد اول ما يكمل 4سنين هتوديه للشيخ يبتدى معاه التحفيظ ومش مهم الفلوس كانت بتقولى لو هشتغل طول النهار والليل بس يحفظ القران ولكن شاء الله ان يموت محمد قبل هذه الامنيه العظيمه مش عايزه اقولكم على جمالهم تسنيم كان شعرها اصفر سايح وبياض سبحان الخلاق العظيم ومحمد كمان كان بياض الدنيا فيه رحمه الله عليهم. ذى كل يوم نزلت الام على شغلها وسابتهم لرب العباد اختهم الكبيره كانت فى 5ابتدائى حضرت لاخواتها الاكل ونزلت على الدرس واتصلت تسنيم بامها وكانها بتودعها ماما انا نجحت عايزه حاجه حلوه وانتى جايه ومحمد كمان بيقولك نفسه فى التفاح. طبعا الام المسكينه موعدتهمش قالت ربنا يسهل بعد ساعه من الاتصال رجعت تقى من الدرس بتخبط على اخواتها وتخبط لكن مفيش فايده استنجدت بالجيران قعدوا يخبطوا وفى الاخر كسروا الشقه لكن لاسف دخلت الاخت المسكينه علشان تشوف اخواتها لاقيتهم ميتين . تسنيم حاولت تقوم بدور الام وتحمى اخوها قفلت وراها باب الحمام لان الدنيا ساقعه ولكن لاسف من كتر البخار اتقفل الحمام واتزنق وحاولت اكيد تفتحه ولكن ضعيفه ..اتخنقوا الطفلان شالوهم بسرعه الجيران على امل انهم يكونوا عايشين ولكن الدكتور قال البقاء لله صرخت اختهم لا مش ممكن هو ليه مفيش حد بيعيش لان قبل كده مات ليها اخين بعد الولاده خدوهم تانى على البيت لاحسن يشرحوهم كانت كل المشكله ازاى يوصلوا الخبر لام قالولها تعالى اصل الاولاد تعبانين شويه ولكن بقلب الام حسيت ان الموضوع اكبر وجت بسرعه الطلق ومقلكوش كل ام وديت ولادها عند اى قريبه بعيد لان الام حقانيه لما تشوف الغلط متسكتش وصوتها كان عالى جدا فخفنا على ولادنا يتخضوا لو صوتت وفعلا وصلت الام وكل النساء فى البلكونات ينتظروها علشان ينزلوا يصبروها واول ما نزلت قاعدت تسال ولادى ولادى ايه اللى حصلهم وتنادى على كل جاره باسمها وفى الاخر لاقيتنى فى وشها وقالتلى ماتوا صح كلهم ماتوا رديت قولتلها لا والله بس ربنا يصبرك قامت ساجده مكانها على الارض.. طلعت فوق بس منعوها من الدخول على اولادها خو فا عليها لكن اصرت تشفهم وقالتلى بعد كده انها كل اللى كان فى دماغها انهم كانوا عملو حمام فتغيرلهم وتغطيهم علشان ميتيبسوش ويعرفوا يغسلوهم سبحان الله هوه ده كل اللى كان قى دماغها الاغرب انها بتحلفلى انها لما دخلت عليهم لاقيتهم عادى اكنهم نايمين وقالت لتسنيم بالله عليكى لو حاسه بيها ادينى علامه بتحلف ان عينيها الشمال فتحت وقفلت تانى وقعدنا حواليها كلنا نبكى ونصبرها اللى فكراه انها بتقول ملحقتش اجيبلهم البسبوسه والتفاح وقامت على الغسل وساعدت كمان وقالت لتسنيم وهيه على الغسل متخفيش يا تسنيم ذى ما كنت مش ببص عليكى فى الدنياو مش هبص عليكى دلوقتى وبتحلف ان تسنيم كانت حاطهاايديها على العوره وبعد الغسل فكت ايديها ورجعت لمكانها تانى . سبحان الله الام دى ادتنا درس قى الايمان والصبر على البلاء عمرنا مهننساه ويوم الجنازه عمرى ما هنسى صوتها مش فى الصويت تصوروا كانت بتقول ايه ....لا اله الا الله محمد رسول الله وتكررها واحنا نعيط سالتها حلمتى بيهم قالتلى كتير مره حلمت بمحمد اللى كان نفسها تحفظه القران انه بقى شاب كبير وبيحفظ القران وتسنيم بقت ذى العروسه تعرفوا بتقولى ايه قبل الوفاه بيوم تسنيم قالتلها ماما انا لو مت هخاف اوى من نظره العتاب بتاعه ربنا ليه خرج محمد فى نفس الوقت وقالها انا كمان نفسى احفظ القران مع سيدنا ابراهيم وحلمت الام قبليها باسبوع ان فى ميه بارده نزلت من بقها ولما سالت الشيخ عبده عوض (هو شيخ مش ثقة وفى شيوخ حذرت منه) ق قالها دى السكينه والصبر ربنا نزلهم عليها مش عايزه اقولكم الست الصابره دى علمتنا ايه عن الصبر والايمان الحقيقى والاعظم من كده رحمت ربنا بيها سنها عدى الاربعين وربنا كرمها بتميم ولد ما شاء الله سابت البيت وسكنت فى حته تانيه بتقولى مش قادره اقعد فى الحته اللى اتربوا فيها فى كل حته ذكرى وجواب من تسنيم انا عارفه انها قصهه حزينه ومؤثره وفات عليها3سنين يكن مش قادره انساها وكتبتها للعظه اننا لازم نصبر على البلاء ونشكر ربنا على كل شىء وعايزه اقول الحذر لا يمنع القدر ولكن ناخد بلاسباب ربنا يبارك فى اولادنا جميعا واننا نحاول نسال على بعض ونخرح من اموالنا الصدقات اللى تعين المحتاجين على تربيه اولادهم المهم يا جماعه انا كلمتها امبارح وقولتلها تطلبى ايه من الموقع اللى هنشر فيه قصه اولادك طلبت الدعاء قولتلها متقلقيش الموقع اللى بكتب فيه كلهم قلبهم رحيم وهيدعولك من قلبهم متكسفونيش وعايزه المو ضوع يتقفل من كتر الدعاء (اللهم بارك لها فى اولادها وزوجها وارزقها عمره او حج ) هو ده الدعاء اللى نفسها تدعولها بيه فارجو منكم الدعاء لهذه الام المكلومه فى اولادها واسال الله ان يصبرها ويجعلها هى واولادها فى الجنه امييييييييييييييييين وجزاكم الله كل خير واسفه للاطاله . آخر تعديل بواسطة ساجدة للرحمن ، 2012-08-06 الساعة 04:46 PM سبب آخر: اخطات 
|
|
#2
2012-08-06, 05:04 PM
|
|||
|
|||
السلام عليكم ورحمة الله وبركاته
جزاك الله كل خير الحمدلله والصلاة والسلام على رسول الله وعلى آله وصحبه أجمعين اللهم اجعلهما ذخرا لوالديهما وافراطاوشفعاء لهما اللهم أعظم بهما أجورهما وثقل بهما موازينهما وألحقهما بصالح سلف المؤمنين واجعلهما في كفالة خليلك إبراهيم عليه السلام وقهم برحمتك عذاب الجحيم
|
|
#3
2012-08-06, 06:47 PM
|
|||
|
|||
|
مشاء الله تبارك الله بارك الله فيك اختي ساجدة
قصه مؤثره جدا جدا جدا عن الصبر والرضا بقضاء الله مشاء الله ولا قوة الا بالله جعلها الله في ميزان حسناتك اختي اللهم يسر امر الام الصابرة على المصيبة ووفقها لنيل الخيرات وارزقها التبات قبل الممات. ... اللهم واحفظها في زوجها وارزقها من حيث لا تحتسب وبارك لها في عمرها وفي وقتها وفي رزقها .... فاعف عنها و اغفر لها و ارزقها الفردوس الاعلى و بارك لها في اولادها الباقين.
|
|
#4
2012-08-07, 09:47 AM
|
||||
|
||||
|
السلام عليكم ورحمة الله وبركاته
شـكــ وبارك الله فيكم را جزاكم الله الفردوس الاعلى 
|
|
#5
2012-08-07, 09:48 AM
|
||||
|
||||
|
|
| أدوات الموضوع | |
|
|
