أسوء قناة mbc3

[بنت ملكة العفاف]

السلام عليكم:أسوء قناة أطفال بلا منازع هى ال mbc3 .... وأحلى قناة هى براعم وده طبعا رأيى الخاص وليكم حرية الاعتراض ...

اولا براعم عجبانى فيها جداااا انها لها معاد اغلاق وقبله بساعة بيهدوا اعصاب الاطفال جداا " والكبار والله هههه"وبيأهلوهم للنوم فعلا.... حواديت لذيذه وفواصل هادية واخر فقرة عرايس ممله شوية "بالنسبة ليا بس العيال بيموتو فيها هههه "يمكن كمان عشان تنيم ولما تقفل يجيبوا سمك وعصافير وفراشات كلها نايمة وصوتها ناااااعم فعلا تنيم

باقى اليوم كل فقراتهم رااااائعة فيها لعب وقراية وتشغيل مخ و تعليم رسم و اجمل كرتون أسمه فتى العلوم " والله ده تندموا لو ولادكم مش بيشفوه " لانه بيعلم الاطفال مبادئ العلوم ببساطة جدا وبشكل عملى وبيحببهم فيها بشكل خرافى و بيجى الساعة 7 مساء بتوقيت مصر و 8 بتوقيت السعودية
اهم حاجة بقى هى ان القناة شخصيتها مؤدبة جدااا وبيهتموا انهم يعلموا الولاد التصرفات الصح ..يعنى ادب الحوار مع الكبار والاعتذار عند الغلط ومساعدة الغير و حب الاخوات لبعض واللعب بتعاون ومفهوم العائلة الجميل وده اللى شدنى ليها
ودى صور لبعض شخصياتها "حديقة المرح" ومناسبة للاطفال من 3 الى 7 سنوات

دى حديقة المرح بتيجى قبل النوم


ده بقى زيد فتى العلوم ....حبيب قلبى وبمووووووت فى الكرتون ده رااائع

سبب كرهى لقناة ال mbc3 لانى تابعت الكرتون اللى بيذيعوه للاطفال عشان اعرف الولاد بيشوفوا
ايه ...ولاقيت بلالالالالالالالالالالاوى ....

افلام كرتون غربية واخلاق الشخصيات زفت بجد ....عيال بتضرب بعض وبتعمل مقالب سخيفة فى اصحابها وفى الناس ويضحكوا عليها واللى بنطلونه واقع واللى مناخيره نازلة و الله لدرجة ان الحوار عادى فيه جدااا انهم كمان يتريقوا على الاب او الام و يستهزئوا بيه ده غير الكارتون للسن الاكبر اللى كله وحوش ومتحولين وضرب وتدمير
واخر اليوم فقرة المراهقين يجيبوا افلام حقيقية مش كارتون وطبعا غربية والاقى بنات قاعدة مع ولاد وبيهزروا وراجل طالع م الحمام شبه عريان وقاعد على السرير مع بنت قريبته والله ما كملت عشان اعرف تفاصيل ....م الاخر مكنش فيها غير مسلسل الخروف shoun the sheep و توم وجيرى وبطوط وساعات افلام اخر الاسبوع....وبقيت اعرف الولاد عندى انهم ما يتفرجوش على كرتون فيه حد بيتصرف غلط ووحش ...وريحت نفسى وشيلت القناة دى خالص من الرسيفر

انا قولت أحذركم ويا ريت تتعودوا تتفرجوا على القنوات دى مع ولادكم وتعرفوا بيشوفوا ايه لانهم أمانه هنسأل عليها وخدوا بالكم انهم بيتأثروا وبيحبوا يقلدوهم وخصوصا فى الحركات الخطر والنط من فوق العمارات والشبابيك اللى بيعملها شخصيات زى بات مان وسوبرمان والحاجات دى ....احترسواااااااااااااااا

[المهاجر الى الله]

تسلمي الوتر الحســــــــــاس على طرحك الرائع
تسلم على جهوداتـــــــــــــــك المميزه

[بنت ملكة العفاف]

دمتى حبيبه لقبي يااسراء