الملك و بناته الثلاثة ‏(للصغار فوق سن العشرين قصة للأطفال

[aslam]

المـــلك
و بناته الثلاثة

كان يا ما كان في قديم الزمان. ملك عنده ثلاث بنات حب في يوم من الأيام انه يختبر حبهم اله.
جاب الكبيرة (وجه البكسة)
وقاللها: يابا يا حبيبتي قديش بتحبي أبوكي الملك؟
البنت من غير تفكير: بحبك قد ما السمك بحب البحر



الملك فكر وقال في باله: ايهو السمك ما بقدر يعيش بدون بحر هاي البنت بتحبني كتير. وقال الها: أنا كنت عارف انك بتحبيني بس مش لهدرجة . وقام اعطاها قصر كبير ومجوهرات

جاب البنت التانية ( واسطة العقد )
وسألها نفس السؤال .. فقالتله: بحبك قد ما الطير بحب السما



انبسط الزلمة وكيّف وأعطاها قصر جنب أختها ومجوهرات وميمعة

بعدين جاب البنت الصغيرة ( اخر العنقود اللي بموت فيها )
وسألها نفس السؤال . قامت جاوبته: بحبك قد ما الدقة بتحب الشطة



الزلمة زعل وعصب وقام لفحها كف خلا أيديها ورجيلها اربعة ومسكها من شعرها وزتها برة القصر.



وما رضي يسمع منها ولا نص كلمة ..
البنت دارت بالحواري وعلى أرصفة الطرقات وتسمع كلمة من هاد وكلمتين من هداك. لغاية ما ربنا حن عليها وأجاها مزارع مسكين على باب الله



حبها وحبته وراحوا سكنو بالكوخ تبعه اللي بنص الغابة



ودارت الأيام ومرت الأيام ما بين بعاد وخصام
وفي يوم من الأيام كان الملك قاعد بتصيد بالغابة ونسي حاله وسرح وضاع بالغابة. دور على المرافقين .. ولا هم هون .. طيب الحرس! فص ملح و داب.. وين الشباب؟ لا حياة لمن تنادي..
ظل الملك يمشي ويمشي لغاية ما لقي هالكوخ الصغير قال يلا بفوت برتاح وباكلي لقمة. دق على الباب فتحلوا صاحب البيت وهو مش عارفه.
دخلوا جوا وهو شايفه تعبان.. وصار يحكي مع الزلمة.
مرته مش خافي عليها الصوت.
قام الزلمة بيقول للمرة اذبحيلنا جاجتين خلينا نتعشى ونعشي الضيف.



المرة مين طبعا؟ واضحة بنت الملك المقصوفة الصغيرة
بدت تشتغل بالجاجات وخطر على بالها فكرة.
نادت جوزها وقالتله خود شوية الدقة هاي مع صحن زيت سلكو فيهم لغاية ما يخلص الاكل شكله الزلمة ميت من الجوع
والله الزلمة عجبته الفكرة وقام حط الزيت والـ دقة قدام الملك وقاله: اتفضل يا عمي على بين ما يجهز الاكل. الملك ميت جوع وهو بحب الدقة كتير. ما بلع اول لقمة ولا صار بده يستفرغ
وصاح بالزلمة: ولكو شو هاظ دقة من غير شطة؟



كيف بتاكلوها هاي؟ وفجأة اتذكر بنته الصغيرة وصار يعيّط زي الهبايل.
قاله الزلمة: ول، شو مالك يا زلمة انت العاقل.. كل هاظ مشان شوية دقة هسة الجاج بخلص...قلعطتني...شو هالعالم هاي!!
راح الملك حكى للزلمة القصة وهو خلص من هون نطت البنت وقالت : بخخ



كيفك يابا؟ عرفت قديش بحبك يا اهبل؟
وهيك عرف الملك قديش بتحبه بنته. وجابتله دقة بشطة.
طبعا ما أكل منها ولا لقمة لأنه نزل بالجاج جرد



وأعطاها قصرين ومجوهرات وسوبر ماركت وكروز دخان علشان هي بتأرجل، وشغل جوزها شفير على باص



وتوتا توتا خلصت الحدوتا

[المهاجر الى الله]

موضوعك مميز
عجزت الكلمات والحروف عن التعبيرفانت لم تترك اي زاوية او نقطه وتكلمت فيها
مواضيعك دائما شيقة وممتازة
بارك الله لنا فيك

[زهرة الإسلام]

جـــــــ الله الجنة ــــــــزاااكم

[aslam]

المشاركة الأصلية كتبت بواسطة اسراء

موضوعك مميز
عجزت الكلمات والحروف عن التعبيرفانت لم تترك اي زاوية او نقطه وتكلمت فيها
مواضيعك دائما شيقة وممتازة
بارك الله لنا فيك

وبارك الله بك يافاضلة المنتدى إسراء

المشاركة الأصلية كتبت بواسطة زهرة الإسلام

جـــــــ الله الجنة ــــــــزاااكم

جزاك الله خير الجزاء اختى الفاضلة زهرة الإسلام

[أم معاوية]

جزاكـ الله كل خير .../

[aslam]

المشاركة الأصلية كتبت بواسطة رحاب الفكر

جزاكـ الله كل خير .../

بارك الله بك اختنا رحاب الفكر وجزاك ربى الدارين