رحلة القلوب

[رحيل عابرة سبيل]

[align=center][/align]


[align=center]رحلة القلوب[/align]





الحمدلله رب العالمين واصلي وأسلم على أشرف خلق الله أجمعين نبينا محمد عليه وعلى آله

وصحبته أفضل الصلاة وأتم التسليم



أما بعد أيها الفضلاء فأسأل الله جل جلاله أن يكتب خطاكم وأن يرفع بها درجاتكم وأن يفرج بها همومنا وهمومكم وأن يقبلنا وأياكم وأن يجعل اجتمعنا هذا اجتماع مرحوما وتفرقنا بعده تفرقا معصوما وأن لايبقي من بيننا شقيا ولامحروما

يقول ربي جل جلاله وخير الكلام وآجل الكلام كلام ربِ جل في علاه

{إن هذا القرآن يهدي للتي هي أقوم ويبشر المؤمنين الذين يعملون الصالحات أن لهم أجراً.كبيرا}



هذا القرآن يهدي؟؟ إي والله



{الحمدلله الذي أنزل على عبده الكتاب ولم يجعل له عوجا قيما}

كل هذه الصفات في هذا الكتاب ؟؟إيه والله

{وأنه لكتاب عزيز} كل هذا في هذا الكتاب



{قل هو نبأ عظيم أنتم عنه معرضون}

كل هذا ياجماهه وما يترتب عليه في وصف هذا الكتاب العظيم



أحبتي الفضلاء بلامقدمات ما أجمل أن تعمل العمل أمتثالا لأمر الله عزوجل {وأقيموا الصلاة } وقال جل جلاله {أقم الصلاه}

وقال{يقيمون الصلاه}

طيب ماهي الثمره ياربي اذا أقمت الصلاه ؟؟

ماقال يؤدو الصلاه,يصلون الصلاه,قال أقيموا

طيب أيش الثمره حتى أقيس مع نفسي أرى هل أنا أديتها كما يريد الله عزوجل فحصلت الثمره أولا؟

قال الله عزوجل{إن الصلاة تنهى...تردك عن إيش؟؟ عن الفحشاء والمنكر}

سبحان الله

هنا نبدأ ننظر هل تحقق هذا الهدف أولا؟

ونقارنها بقول الله عزوجل

{فخلف من بعدهم خلف أضاعوا الصلاة }

يقسم أبوبكر رضي الله عنه وأرضاه أنهم ما أضاعو الصلاه كفرائض لا قال أضاعو خشوعها ووجباتها وأركانها ,,,

قال صلت,, صـــلى!!!



لاحظ ماذا قال الله عزوجل {فخلف من بعدهم خلف أضاعو الصلاة واتبعو الشهوات}

هذه البوابه على طول,فإذا هي تنهي وإذا ما أقيمت يفتح لك أبواب الشهوات



{واتبعو الشهوات فسوف يلقون غيا}أجارانا الله وأياكم من هذا



فلابد أحبتي الفضلاء ان نشوف أيِش ثمرة العمل إلي سويناه

في حج الأعوام الماضيه التي حجت فيها

أحبتي ألتقيت مع أفاضل أمثالكمهذا المخيم فيه 500حاج وحاجه وهذا فيه ألف حاج وحاجه وهذا فيه1800حاج وحاجه ,,,,السؤال الأول ياجماعه ونحتاج نعيده ونكرره عشرين مليون مره قد مانقدر إلى أن نموت



ياجماعه هل هذا الكتاب الذي بين أيدينا هل أتخذناه مهجورا؟؟؟أم تعاملنا معه كما يريد رب العالمين؟؟

السؤال كان كالآتي



من منا ياأخوان يوم عزم أنه يحج وحجز في الحمله ورتب الأمور كلها ذهب وأعطى نفسه نصف ساعه و لا عشر دقايق وآخذ يقلب في كتاب الله عزوجل إلى أن فتح على سورة الحج وقال مدام أنا سأحج أريد أن أقرأ كلام الذي حججت لأجله

فوجئت أحبتي الفضلاء بالحجاج الذين سألتهم السؤال

,إن أنا بالغت يد أو يدان رفعتا!! مابين حجاج ألالاف هذا فيه الف وهذا ألفين هذا فيه 1800وهذا 1500مااااااترفع أيادي تشوف الناس كلها نازله أياديها



فسألت السؤال الثاني كم منا من قرأ كتاب عن الحج كتبه بشر الأيادي كلها رفعت!!!

شفت!!!في مشكله ولامافيه مشكله؟؟؟في مشكله عظيمه قرأنا كلام البشر والكلام الوحيد إلي ماقرأناه عن الحج هو كلام رب البشر عن الحج !!؟؟

علشان كذا ياجماعه لاتتفاجأ إذا سمعنا قول الله عزوجل في سورة الفرقان {وقال الرسول يارب إن قومي اتخذوا هذا القرآن مهجورا}

ياجماعه كم عندنا أركان الأسلام خمسه صح؟عطني أي ركن غير الحج هناك في القرآن سوره بأسمه ماااافيه

ماعندنا سوره أسمها الشاهدتين؟ ماعندنا سوره أسمها الصلاه ؟سوره أسمها الزكاه؟مافــي,,,,الصيام؟

ماعندناااا غير الحج هو الركن الوحيد الذي أفردت له سوره بأسمه

إذا كان هو الركن الوحيد الذي له سوره بأسمه وما قرأناها وحنا حاجيين متى نقرأهااا آآآجل؟؟؟!

لابدأحبتي أن نعرف وين الجرح؟

لو قرأنا وقرأ حجاج بيت الله كلام الله عن الحج وتدبروا الآيات والله لن ترى ماتراه في الحج,

مامعنى هذا الكلام ؟والله لو قرأت سورة الحج قبل لاتروح تحج وانت في الطياره اتروح او في السياره اوفي الباص وقرأت سورة الحج

والله لن تتكلم على أحد في الحج ,ستتأدب مع الله في الحج ,تجد من يخطئ عليك وتسكت والله لن تشتم أحد ولن تسب أحد

لكن إذا فعلنا الفعل دون أن نعرف لما حججنا ؟

تلقى الناس ايزاعقون ويتكلمون ويشتمون ويسبون لأنه هو ما عرف أصلا معنى الحج وليش ايحج؟!

لوعرف ليش حج وليش جابه الله عزوجل ؟؟؟؟

الحج ,,له مزايا مختلفه عن كل أركان الأسلام أول واحد أن سوره كامله بأسم هذا الركن

اثنين اركان الاسلام تحتاجها كثيرا وأكثر من مره

الصلاه كم؟خمس مرات في اليوم

,الزكاه مره كل سنه,

الصــيام مره كل سنه,

الحـــــج خذ عمرك كله وحج مره وحده تكفيك أن إذا فعلتها كما يريد الله عزوجل ,

,والله أن يرزقك الله بها الأدب إلى أن تلقاه

سبحان الله جل جلاله

لكن أذا حجينا ياجماعه ورجعنا بس اسم الواحد فينا حاج الحاج فلان والحاجه فلانه وخلاص؟! لا والله القضيه أبعد

تأذنون لنا ياجماعه أن نمر مرور سريع على سورة الحج

نأخذ بس من تلك الجواهروالألئ والآيات العظام نأخذ منها قطرات,

وإلا لوتكلمنا عن سورة الحج وأتينا بالبحار جنبنا كحبروأتينا بالأشجار كأقلام

وكل واحد فينا يكتب والله مانفدت كلمات الله والله نتعب والمعاني مابعد انتهت,

تخيل كل الكتب إلي تكلمت عن الحج ذكرت معالم في الحج مثل عرفه ثم اعطتك كلام عن عرفه صح؟

تذهب للفهرس تلقى الوقوف بعرفه ,المبيت بمزدلفه صح؟

هذه السوره كلها بطولها وعرضها ماذكرت ولاكلمة عرفه ,,,الله أكبر



إذا العاقل يقول مدام أعظم أركان الحج الوقوف بعرفه

بل قال عليه الصلاة والسلام {الحج عرفه}

إلا أنه لم يذكر في سورة الحج !!

إذااا مالذي يريده الله مني ومنك أن نفهمه إذا قرأنا سورة الحج ,

,المغزى أقوى والمطلوب والحكمه أعظم ممانتصور

منى ,,كل كلام البشر عن الحج في منى في سورة الحج لم تذكر منى!!!

رمي الجمرات لم يذكر في سورة الحج !!

؟إذاً مالذي ذكره الله في سورة الحج,

صح ياجماعه هذا السؤال يتبادر في ذهن الانسان ,,

يقول سبحان الله

,سورة الحج تتكلم عن موسم معين وعن شعائر معينه لكن مااااذكرت هذه الشعائر !!!

فما الذي يريده الله أن يقول لي ولك ويريد لي وأياك أن نفهمه من سورة الحج

قصه

حجة أمرأه نصرانيه عندنا في المستشفى’أول ماأسلمت ياجماعه

والله غيرت و صارت تغطي شعرها ونحرها والوجه مكشوف

ثم ذهبت للحج ورجعت بعد رجوعها من الحج

والله ياجماعه رأيتها في العنايه المركزه ما تكاد ترى عينيك ,,

ولم أعرفها قالت :السلام عليكم ورحمة الله

,قلت: عليكم السلام ورحمة الله ,,,

قلت :فلانه ؟!!! قالت :أي نعم فلانه,قلت:حججتي؟؟

قالت الحمدلله,

والله ياجماعه نبرة الصوت متغيره نازله تحت ,,

قلت:كيف وجدتي الحج؟؟

قالت:تعلمت أمرا واحد وماتذكرت في الحج غير أمر واحد,,,أيش هذا الأمر؟؟

تذكرت يوم القيامه,

,تقول رأيت الزحام فتذكرت قول الله عزوجل عن الزحام يوم القيامه

{إن يوم الفصل ميقاتهم أجمعين يوم لايغني مولى عن مولى شيئا ولاهم ينصرون إلا من رحم الله.إنه هو العزيز الرحيم}

رأيت الناس يموج بعضهم في بعض فتذكرت يوم القيامه رأيت ورأيت ورأيت فتذكرت يوم القيامه

فقلت :سبحان الله نحن عرب ولدنا على هذا الدين ولو تسأل الحجاج وهم راجعين كيف الحج؟؟؟ زحاااااام ,,,موووووت ,,صح أولا؟

كلهم يتكلم عن أشياء كلها هنا

لكن لو قرأت سورة الحج تفهم الكلام إلي قالت هي

نقرأ سورة الحج..؟؟سورة الحج

..تحتها



بسم الله الرحمن الرحيم

{يا أيها الناس....ماذكر أي قضيه للحج

{ إتقوا ربكم.....أنا رايح أحج ولا رايح اتقي؟؟؟!!!

{اتقوا ربكم.....ليه نخاف وليه نتقي؟!

{ إن زلزلة الساعه......إيش علاقة الساعه(القيامه),,انا جاي أحج والسوره عن الحج وأنا مركز على الحج؟؟!!



يقول سبحانه لااااتركز في الحج ولكن إنتبه { إن زلزلة الساعة شيء عظيم}

يقول سبحانه أنا جئت بك في هذا المكان مره وحده في عمرك حتى تذوق أن يزاحمك أقوام لمدة أيام معينه

حتى أذكرك بذاك اليوم

يقول جئت بك في هذا النموذج المصغر علشان تبدأ تستعد للنوذج الأكبر

لأنا سمعنا عن ذاك اليوم يوم القيامه و زحام والناس فوق بعضها

إّذا تعال مع مجموعه من الناس يزاحمونك في كل يوم قال الله { إن زلزلة الساعة شيء عظيم }والله ياجماعه سمعتها من حجاج يقولون أن الحج العام هذا شيء عظيم

الله يقول لك شفت هذا الزحام هذا زحام تافه من جهة التعب ومن حيث الجهد,,,أما من حيث العظمه فالركن عظــــيم,

لكن هذا الزحام تافه

العظيم هناك الزلزله العظيمه هناك

أنت اشتكيت أن الحج هالسنه هذي شيء عظيم والأرض ثابته تحتك مازلزلت وهنااااك ستزلزل

أنت تشكو الحج عظيم !!وتعب ولدك ضاع ولا والجبال ثابته مانسفت ؟هناااك ستنسف

أنت تشتكي والجو عندك ممتاز!! إذا كيف لو أدنيت الشمس على قدر ميل وأحرقتك حتى سال عرقك وألجمك ويلجم الناس هنـــــــــــااااااك شيء عظيم

أعطاك شيء قليل وماتحملت قال آجل أستعد لنفسك علشان هناك يكون وضعك مختلف ,,,

شفت كيف بداية سورة الحج؟!

{إن زلزلة الساعة.....شوف الرساله إلى تحتاج وأحتاج أن نتأمل فيها ....{.إن زلزلة الساعة شيء عظيم يوم ترونها} ...

.كل الكلام عن ذاك اليوم وانت في الحج....{يوم ترونها}.....يقول أنت ماشفت هالموقف إلي بقولك أياه لم تره في

حياتك,لوحججت كل سنه لن ترى الموقف إلى قاله الله{يوم ترونها }

لأنك رأيت مع شدة الزحام إلا أن الأب متمسك بولده والأم معاها ولدها

’يقول هناك من شدة الموقف حتى تعلم أن هذا ليس عظيم هناااااااك سوف ترى{يوم ترونها}

ثم ذكر أعظم علاقه بين شخصين على وجه الأرض,,

أيش أقوى علاقه بين شخصين ؟ليس الأم والأبن ,,الأم والرضيع

أقوى علاقه هي بين المرضع ورضيعها,حتى ايجوع أيدر لبنها شفو العلاقه

قال الله عزوجل,,شفت أقوى علاقه بين أثنين من عظمة الموقف إلي قدامي وقدامك ,,

بتشوفهااا قدامك أم تترك ولدها وترميه وتزهل عنه تزهل يعني مايجي في بالها لحظه تلتفت له

لو أنا وإياك ونحنا حاجين أنفكر بهالقضيه والله تتغير أخلاقك في الحج,,تتغير أهدافك إلي قبل الحج إلي كانت عندك وتبدأ اتفكر فيها إلي يرضي الله يمشي والي مايرضي الله من اهدافك تنزل تحت

قال الله تعالى عزوجل {يوم ترونها تزهل كل مرضعة عما أرضعت وتضع كل ذات حمل حملها }

في حوامل يحجون يحججن؟نعم هناك حوامل يحججن ,

,يقول هناك مافي أحد حامل ,, إذا كانت هناك حامل تقوم وإذا رأت أهوال يوم القيامه طاح الحمل

{يوم ترونها تزهل كل مرضعة عما أرضعت وتضع كل ذات حمل حملها وترى الناس ....يقول ستراهم,أنت رأيتهم مع الزحام في الحج لكن كل واحد بعقله يقول هناك يوم القيامه بيفقد عقله من المشاهد



{وترى الناس سكارى وماهم بسكارى ولكن}ولكن أيش؟ السوره عن الحج ماقال لكن زحام الحج شديد,

سورة الحج ماتتكلم عن الحج,,تتكلم عن الحج الثاني هنــــاك ,الحج هنا يدخله كثير من المسلمين

إلي هناك الأوليين والآخريين لمجموعون

{ولكن عذاب الله لشديد}

هذه مقدمة سورة الحج ,أقرأ أي كتاب عن الحج لأي مؤلف من البشر عن سورة الحج مايفاجأك بهذه المقدمه

,,,هذه أول آيه في سورة الحج ,,,

سبحان الله,,

,هذه الآيه تجعلك تبحث عن آيات الحج إلي في القرآن كله

,ستجد الأمور إلي ذكرها الله في الحج

كل آيات الحج حتى في غير سورة الحج ,لا تتكلم عن شعائر الحج

خذ أي آيه عن الحج في أي مكان في القرآن,,سورة البقره مثلا

يقول الله عزوجل{وأتمو الحج والعمره لله} صح؟

أخر الآيه دائما يرسلك الله هذه الرساله بآيات الحج كأنه يذكرك مع كل آيه في الحج أسمع ولاتنسى هذا

,,, وش آخر الآيه {واتقوا الله}

يقول الحاج اش علاقته انا رايح احج ولا رايح اتقي؟؟!! لا رايح اتخاف اليوم الآخر

اليوم الآخر عندنا اليوم ياجماعه عندنا تحصيل حاصل ترى كلما قل أيمانك باليوم الآخر كلما تجرأت على محارم الله

وكلما زاد أيمانك باليوم الآخر كلما.أتقيت الله ....

ولاترى كلنا عندنا شهوات وكلنا عندنا فتن نشوفها في الشارع وكل مكان وكلن منا عنده قدرات لنيل المعصيه

لكن ليش فلان تتيسر له يقول لامعاذ الله,,,وفلان يروح ايدورها

هذا الأيمان باليوم الآخر

الموظف إلي يعلم أنه إذا ماحظر يومين بينفصل بيحظر وماعاد بيغيب إلا بعذر ,

,إلي يتأخر وسيخصم منه تلقاه في الشارع ماشي بسرعه يمكن يقطع أشارات علشان أيمان عنده أنه لولم يأتي بالوقت المحدد سيعاقب

هل تعلم أنك لو أذا ارتكبت محرم ستعاقب نعلم ولكن الأيمان بهذه القضيه يختلف ,

علشان كذا أيمانا بالإشياء إلي بالدنيا نعملها بسرعه وما نتأخر فيها الدوامات صح؟

والأشياء إلي بالأخره إذا كان إيمانك قوي أحسن من هذي وأعظم منها والتزامك بها أعظم

قال الله عزوجل {واتقوا الله واعلمو ....شف كلها واعلموا... أعلم أيش؟؟ ...أن الله شديد العقاب}

}

يارب جايين نحج تقول أعلموا أن الله شديد العقاب ,افتح أول صفحه وأول آيه تلقى نفس الكلام {ياأيها الناس اتقوا ربكم}

وفي أخر الآيه {ولكن عذاب الله شديد} وهناك { شديد العقاب}

ماهي الرساله إلي يبغى ايوصلها ربنا سبحانه في الحج

{الحج اشهر معلومات } لكن الموعد الثاني والنوذج الأكبر لا أحد يعلمه ولايجليها لوقتها إلا هو

{الحج أشهر معلومات فمن فرض فيهن الحج فلارفث ولافسوق ولاجدال في الحج}

تقدر تخالفها ؟؟تقدر تخالفها,,,,النموذج الأصغر تقدر ترفض وتقدر تجادل وتقدر تفسق صح؟؟{وسباب المسلم فسوق}

لكن في النموذج الأكبر{لاتسمع إلا همسا}

المتكبرين تطئهم والعياذ بالله البهائم ومايقدرون يقولون لا,,"ماتشوفين",,,

ساكت والناس يزاحمونك وماتقول شيء خمسين ألف سنه

لما تفهم الدرس هذا,,تقول أنا اليوم مدام إني أقدر أباتحمل الخمسين ألف سنه آآآآجل أبسكت واتحمل هالأيام علشان انجو هناك

{فلا رفث ولافسوق ولاجدال في الحج

{ وماتفعلو من خير يعلمه الله أش قال بعدها وتزودوا فان خير الزاد التقوى}

احنا فهمنا فئة أ صح؟

علشان كذا أهم شي فئة أ,,, أهم شي قريب..والحمله هذي معروفه أولا ماهي معروفه هناك..اقرى معلوماتها في الكتاب

النموذج الثاني مافي فئة أ

في أناس في ظل الرحمن مومخيم واحد من البشر اختار مكانه وجهزه على قده ...لا,,

,والأمور تقاس بمن صنعها وذاك الظل صنع الله الذي أتقن كل شيء

أقرأ السبع الذي يظلهم الله في ظله وهل لك منهم شي

,هل دعتك أمرأه ذات منصب وجمال وقلت لاإني أخاف الله,

,هل هل هل؟

راجع هل إذا ذكرت الله خاليا وحدك فاضت عيناك ؟

هل حجزت هذي حقك.. ماهي بخمسة ألاف وسبعة ألاف وعشرة ألاف هذي حقك

فقال الله عزوجل في هذا الموقف الصغير والنموذج الصغير

أي شي تفعله يعلمه الله اتسامح واحد مكتوب لك ثقل في موازينك نجاة لك

يوم الزحف الي هناك تعطي مكتوب تغض بصر مكتوب

لكن هناك ما تقدر خمسين ألف سنه تقول سبحان الله

ولاينظر أحد إليك لأنه كلها هنا

اليوم عمل ولاحساب وغدا حساب ولاعمل



فقال الله {وماتفعلو من خير يعلمه الله وتزودوا فإن خير الزاد التقوى.....ما انتهت الآيه....واتقون يا إولي الألباب}

سبحاااانك

شفت الرساله إذاحجيت ورجعت وماعندك شي من هالرسائل والله في مشكله ثم قال في الوجه المقابل

{واذكروا الله في أيام معدودات...أيش....فمن تعجل في يومين فلا أثم عليه ومن تأخر فلا أثم عليه لمن؟؟ لمن اتقى}

إلي فهم الدرس وبدا قلبه يخاف من اليوم الآخر ماعنده مشكله يرجع قبل يومين اوبعد يومين {لمن أتقى} مااانتهت الآيه إلي بعدها{واتقوا الله}

كل آيه في الحج تقول اتقوا اتقوا وتقوى شو الي بعدها{ واتقوا الله...بعدها كلمه ثقيله صاعقه من السماء {واتقوا الله واعلمو.....

أنا يا ربي حاج ورجعت وأريد أقفل راجع لأهلي مالذي تريد أن أعلمه؟؟!!

{واعلمو أنكم.....أيش؟؟؟؟؟....إليه تحشرون}

شفت الرساله

يقول جبتك علشان تذكر المحشر اليوم ارجع لأهلك

هناك في ذاك المحشر لن ترجع أما إلى جنه وأما إلى نــار

فيرجع الإنسان متأدب مع الله خلاص

قصه

لأجل هذا والله رأيتها بعيني,ياجماعه

رجل من أخواننا من مصر يمشي راكع في الجمرات احدودب ظهره ورق عظمه

والله ياجماعه معه أغراضه يمشي كأنه راكع

وأنا وأحد من الدعاة رأينا مشاهد في ذاك اليوم في الجمرات لاتنسى ادعو الله أن يرزقنا وأياكم قلوب حيه

أذا قرأت سورة الحج تبدأ اتناظر الناس,والله تناظر الناس وايشدك كل موقف ويأثر فيك كل موقف وكل خطوه تأثر فيك وتحرك فيك وتزيد من أيمانك وتذكرك برب العالمين

يمشي فجأه هذا الشايب الكهل الرجل الكبير ترك الأمتعه ومسك واحد ولد صغير يعني شاب مسك فيه

قاله:سامحني يابني سامحنــــي

الشاب مايدري أصلا ليش مسك!!!فيقوله:على إيش ياوالد مافي شي على ايش

قاله:سامحني سألتك بالله تسامحني ,,

الولد مايدري ليش ماسكه ويقول على أيش أسامحك؟؟قاله :وأنت ماشي انا ظربتك بكوعي على بطنك

وأخاف أخسر هالحجه إلي تعبت أجمع فيها سنين وما أرجع كيوم ولدتني أمي على هالظربه فسامحني

قال الولد مسامحك ,,الرجل :قول والله إني مسامحك ,,قاله والله إني مسامحك

والله ياجماعه جلس الرجل يبكي ماعاد تحرك والناس تزاحمه ,,

يقول ياارب سامحني اشهد يارب أنت شاهد يارب سامحني أنت شاهد

وشوف كم واحد فينا يظرب أحد ولايخطأ على أحد في الحج ولا أحد يدوس له على طرف ثم يبدأ يرعد ويزبد

ياجماعه نـــاس فــــاهمه ليش تحج؟؟

عنده هدف أن يرجع ولا عليه ولاشي وده يرجع والصحيفه بيضـــــــــــاء

هذا الــــــــــهدف ياجماعه

{والذين يأتون ما آتو وقلوبهم وجله أنهم إلى ربهم راجعون أولئك يسارعون في الخيرات وهم لها سابقون}



قصـــه

والأخر لا أنساه إذا ذكرته ياجماعه يقف شعري كأني أراه الأن ,,

ولا أنسى ذلك الموقف الذي طبع في عقلي وحفر والله ياجماعه في قلبي

تأدبت بعد ذلك الموقف بفضل الله عزوجل على قدر وسعنا وعلى قدر ماوفقنا الله فيه



في الزحــــــــــام قبل أربع أوثلاث سنوات زحام شديد في الجمرات والناس يموجون

والله كأنهم سكارى,,

نحن رجال ما كان معنا نساء لأن لو كان معنا نساء تلقاه يحاول عليهم ويضعف كنا بأنفسنا أنا وأحد الدعاة

ويموج بنا الناس هم إلي يحركونا

فكنت أرى هذا يتكلم على الثاني والخامس يقوله ياأخي ماتشوف والرابع.....يعني فـــــاهمين غلط

ناسين أن بنجتمع بيوم أكبر من كذا ومنتحمل غصــــب عليـــنا

الشاهد أن في وسط الزعاق هذا

في واحد أعطاه الله عزوجل جســــــم إلى اليوم ما رأيت مثل ذلك البنيــــان

سبحــــــانه من صورة ذاك الرجل

رجل جسيم طويـــل وأتاه الله سبحانه وتعالى بسطه في الجسم والله ياجماعه مميـــــــز كأنه علم بين الناس من طوله

والله ياجماعه الناس تدفه يمين ويسار غصب عليهم

والله أنظر إليه أعطاني درس أعظم من ستينن محاظره ورا بعض

الناس تزاحمه وأرخى نفسه للناس ينظر فوق للسما ثم ينزل راسه

وشوفه ايتمتم بكلمات ثم يناظر يلتفت على الجبال ويناظر الناس ويهز راسه ثم يتكلم

ثم تشوفه يهز من الصياح ثم يرفع راسه فوق وينزل راسه والله ياجماعه أشوفه ينتفض

فبفضل من الله وقدره من الله جيت جنبه مع هالزحام إلين صرت جنبه ابي اشوف ايش يقول {وتوني قاري سورة الحج}

وهذا فاهم أيش هو...

يعني قوه وعنده قوه وجسم عنده جسم و اللسان وعنده اللسان ليه مايزاعق مع الناس او يزاحمهم

وجالس كأنه أضعف واحد فينا

وأقرب من عنده والله ياجماعه بين أصوات الناس والتلبيه والزحام وهذا يناظر للسما ثم ينزل راسه

يقول يارب هذا الــيوم هيــن يارب هنـــاك أن تــرحمني



يارب هـــذا اليوم هــين

يــــارب هنــــاك ارحــمنـي

أنا قاعد أقـــول وش إلي هناك إيش ايدور بعقل هذا الرجل؟؟!! إيش الي نســــاه الزحــــام والتعـــــب!!!؟؟

لأنــــــــــــــــه يعــــــــــــــــــرف

{ إن زلزلة الساعة شيء عظيم يوم ترونها تذهل كل مرضعة عما أرضعت ...لأنه يعرف

{واتقوا الله واعلموا }.....علـــــم ,,,نحسبه والله حسيبه

علم علم اليقين أنه جالس ليوم ومجموع في يوم أكبــــــــــــر من هذا وأعظــــــــــم من هذا

{واعلمو أنكم إليه تحشرون}

فهل علمنا ياجماعه؟؟كـــــــان والله ما نتكلم على أحد ولانسب أحد



حبيبي الغالي لو أنك كنت مسجون عشرة أيام في زنزانه إنفراديه

ثم جاءك الخبر كالصاعقه أنك أوليوم تخرج من هالزنزانه الإنفراديه سوف نسجنك خمســـين سنــــه

هل ظنك لما يقدمون لك طعام في عشرة الأيام هذي

هل تجادلهم في نوعية الطعام

ولا بيهمك الأمر لأن عقلك ايفكر بالخمسين سنه

فلا يهمك إيش يعطوك إيش صار فيك في العشر الأيام مع أنه ألـــم وشـــده وبأس إلا أنك تفكر تفكيييير في الـــ 50سنه ,,

أنساك العشرة الأيام إلي أنت فيها

علشان كذا ياجماعه هل نحن فعلا إذا حججنا بالأيام العشر فكرنا بالخمسين ألف سنه التي سنحشر فيهـــــــــــا

لكل من حج فينا هل استشعرت المعاني هاذي؟؟؟



قصــــه

يحدثني أحد المسؤولين في وزارة داخليه لأحدى الدول ولا أعنعن لكم القصه لأنه والله قالها لي بنفسه والله ياجماعه أن لحيته إلين نصف صدره

الرجــــل منطقـــه متغـــــيــر

يقول شفت ذا التغيرات كلها يقول حصلت معي في الحج,,,, لييييييش؟؟

رجــل مسؤول مال وعنده,, منصب وعنده جــاه وعنده ,

يقول تغيرت حياتي من الحج بعد توفيق ربي جل جلاله



قال الله سبحانه{ليشهدوا منافع لهم} يقول :أنا والله أشهد إني شهدت منافع لي

يقول أُخترت من بين مجموعه أن أكون مع أفراد العائله الحاكمه لتلك الدوله الخليجيه

علشان أكون أنا المسؤول الأول على رحلة الحج

يقول فعلمت وقلبي يرجف من يوم وكلت بـــهالمهمه

وقلبي يرجف والله ولاعاد يومي يوم ولاليلي ليل ولا نهاري نهار مظطرب خايف هل سأنجح ؟؟

لأني إذا رجعت وانا ناجح وقالوا افلان بيض الله وجهه وفلان.....

سيرتفع قدري عند الناس فيقول هذا مبلغي من العلم {ذالك مبلغهم من العلم}

فيقول فكان همي بس اشلون انجح وشلون ارضي هالناس

يقول الحمدلله الأمور ماشيه وأنا ما أنـــــام مضطرب والله

يقول أجهزه وتنسيق ,الجمرات فيها زحمه ,تنسيق مع الجهات الأمنيه و.....و..

يقول فلما قالت لي تلك الأسره ,قالوا منطلع الجمرات ,,

فقلت انتظروا حتى أنسق الموضوع وأشوف زحام ولا مب زحام

فالوضع كان الجو زين,

,والي حضر قبل أربع أو ثلاث سنوات شاف الجو كيف كان في الجمرات أيام التشريق جــــو عجيـــب

وأمطار خفيفه وجـــولا يـــوصف

قالوا بنطلع ,,قال اصبروا أشوي ماندري عن الجو كيف

قالوا منطلع وطلعنا

المهم يقول أخذت معي مجموعه من الحراس يمين ويسار وطلعت أنا وياهم

يقول لما مشينا نزل المطر

يقول فبدأت الأمطار بشكل جميل يقول لما وصلنا قرابة الجمرات

اشتـــــــــد المطــــــــــــــر

يقول انفتحت السمــــاء فتح عجيــــب

والي حج أو شفت الصور الي طاحت سيارات تنزل

والله ياجماعه ماقدرنا ننزل من الباص

يقول لما اشتـــد المطر ماقدرت ارجع ولاقدرت اتقدم فصرت زي المجنون

الأن كلنـــــــــــــا نقــــــــــول سبحـــــــــــــــان الله

يــــقول فتـــــــــــــذكـــــــرت يــــــــــوم القيـــــامه



يقول فذهبت إلى سيارة أسعاف مـــاره وأطق عليه الباب والشباك ما يفتح لي ,

,يقول ثم فتح لي فتحه صغيره جدا ثم قال اشتبغى؟؟

يقول معي بنات آل فلان فنبغى ناخذهم

قال وش أسويلك أنا ما أقدر معي ناس بيموتون

يقول فأغلـــق الشباك وراح معه نـــاس بيمــوتون

يقول تذكرت آيات صــواعـــق فــي رأسي

{يوم يفر المرء من أخيه وأمه وأبيه}

يقول حسيتها ذقت طعمها ماهي قضية إني بس أعرف اليوم القيامه لالا

يقول بدييييييت أحس بشيــــــاء يقول ثم رجعت أعالج أمواج المياه إلي عندي ورجعت لهم أدور لهم أي مكان

فوجدت موقف فوق وفيه شي من الظل عن هالمطر والمطر يعدي عليهم فوق الجبل وفي رجل من باكستان معه بساط على الأرض

قلت له تبعني هالبساط فقال لا قلت له 200 زي المجنون قلتله 200ريال يقول لا

قلت له250 يقول قال خلاص خذها ب250

ثم قال مسكني قال لا أنا شريتها 20 بريال

شوف خايفين ياجماعه بالحج

يقول ما يخالف معليش 250 ولو طلب أكثر عطيته ثم يقول وجدت مكان كأن الله سبحانه وتعالى جعله لذاك الرجل

يقول مكان فيه رجل من أخواننا من السودان يقول مكان يمكن أحسن مكان في منى كلها ذاك المكان

يقول الرجل جالس والله ماتجيه المويه المويه تعديه يقول على الفرش وعلى بساط

يقــول فقلت له ابغى اعطيك إلي تبغاه بس اترك لي هالمكان يقول بس بدخل بنات هنا

يقول فقالي أنت مجنون كيف أعطيك المكان ؟؟!!

قال اعطيك 500,,,800,,1000 ريال

قال أنت بعقلك ولامجنون!!!

اترك المكان وين أروح ,,شايف الناس !!



لا تعطيني ولا أعطيك

يقول يوم قلتله معي نساء ,,يقول أقسم بالله كأني كاســر قلبه كسر

قال معك نساء؟!! لاخلاص خذ المكان

يقول فقلتله معي بنات هذولي بنات آل فلان

يقول لا تقولي بنات آل فلان أنا تركتها للرحمـــــــن ما تركتها لبنات فلان,,قال تعل جيبهم

قال بعطييييك

قال لا تعطيني ورفض وبدأ يربط أمتعته ويحزم ومشى

يقول يقولولي الأسره روح ألحقه عطه إلي يبغا

يقول لحقته وأنا أصارع المياه واصله عندي للأفخاذ

يقول فقلت له خذ

قال يا أخي ما أبغى شي روح روح

قال فرجعت لهم

قالوا طيب روح خذ أسمه لأجل نكرمه ,,يقول وأنا في صراع وأمواج

رحـــت له قلت له طيب عطني أسمك

قال ليش؟؟!!

قلت علشان إذا رجعوا يكرموك

قال: { لانــريد منــكم جـــزاء ولا شـــكورا إنـــا نخــــاف من ربــــنا يومـــا عـــبوسا قــمطــريــرا}

فأسأل الله أن يصدق له مابقي من الآيه { فوقاهم الله شر ذلك اليوم ولقاهم نظرة وسرورا وجزاهم بما صبروا جنة وحريرا}



أســـــــــأل الله أن يجعله من أهل الفردوس الأعلى

يقول فعلمت أن في ناس تسعى لرضى الله رب العــــــــالمين

وأنـا جـــــــالس أسعى في رضى الناس المخلــــوقين من طيــــــن!!!!

يقول غيرت هالمواقف في قلبي تغير عجيــــــب

يقول فعلمت من يوم مارجعت من الحج وأنا أكبـــــــــــر ما عندي إني أرضيـــــــــــــه سبحــــــانه

فوالله ما وجدت طعم في قلبي إلا يوم صار هذا هدفي



فحبيبي الغالي هل عندنا عمل مثل هذا ماعملناه إلا لله وتحملنا فيه وصبرنا عليه

{ومــا يلقاها إلا الذين صبـروا } على إيش صبرنا ياجماعه؟؟!

البنت ما صبرت على الملابس الحرام

واحد يقول ما أصــبر عن الغزل

وثاني يقول ما اصبر عن المواقع المحرمه و...و...

كلنـــــا أحبتـي نقــــــول نبغى الجنه ,,,طيب نبغى الجنه بكــــــــم؟؟

{وما يلقاها إلا الذين صبروا وما يلقاها إلاذو حظ عظيم}

إي وربي لأجل هذا حبيبي الغالي,,, الملائكه أول ماتدخل على أهل الجنه إش تقولهم؟؟

{ســــــــــــلام عليــكم}

وهم في أعز نعيم وأجمل جمال ينظرون إذا رأيت من تحتك الأنهار ومن فوقك ظل الرحمن والعرش عرش الله جل جلاله

ولهم مايشاؤون فيه في جنان خالدين

المرأه تلبس 70حله فستان 70طبقه يرى مخ الساق من وراء الحلل

وموضع السوط خير من الدنيا ومافيها ومسيرة ظل شجره مئة عـام مدلليـــن

يقول الله عزوجـــل { والملائكه يدخلون عليهم من كل باب }

يلقاه ملك يقول له سلام ,,,ليش سلام ؟؟

{يقولون سلام عليكم ادخلوا الجنه بما كنتم تعملون}

قصـــه

يقول رجل صاحب أجره يذهب من مكه إلى جده ورايح جاي يقول ماينام عيونه حمر

ماينام شغــال هذا موسم يأخذ الحجاج من المطار إلى مكه

يقول فأركب معه مجموعه

ثم وهو راجع قال لمن معه أنا ما أقدر أكمل نقف ثلث ساعه أو نصف ساعه في هذه المحطه فأوقفتهم

’’كان من بينهم رجل وزوجته من باكستان والله يا جماعه ما رأيت مثله لاف الأحرام عليه أشوف أضلاعه

أشوف العظام جلده عظم يالله يمشي هو وزوجته يالله يتحركون

يقول فقلت لهم بنزل أكل

فنزل كل المجموعه ورحت أكلت في المطعم ورجعت شبعان حمدت الله عزوجل

يقول فأبغاهم يركبون ففوجئت عند أطار السياره إلي ورا

وجدت الرجل وزوجته قاعدين وحاطين تحتهم كيس وخبز مكسر يابس وماء ويأخذان من الخبز المكسر ويغمسونه بالماء ويأكلونه ويغمسونه بالماء وياكلونه

يقوول بغيـــــــــــت أنجــــــــــــــــن

أنا أكل ...إلي بقيته أكثـر من إلي أكلته وهذولا ياكلــون.........!!!

يقول فقلت لهم أحسبهم يفهمون عربي,,

مــــــــــــــاجـاوا إلا لله

وكفــــــــــــى والله لهم عزا هـــــذا الهدف

فقلت لهم بشتريلكم أكل وش تبغون ما يفهمون شي يطالعون بعض ويبتسمون

يقول فرحت للي يعبي بينزين

فقلت

تعال قلهم أبشتريلكم إيش تبغون وماالذي تشتهونه ؟؟

يقول فقالوا مانبغى شي

يقول أنا والله أبـــكي

أقول قولهم ما راح آخذ منكم فلوس لا حق الإيجار ولا باخذ منكم افلوس للطعـام مجانا من عندي بعطيكم إياه

وبوصلكم مكه بس اطلبو إلي تبغون

قالوا قله مانبغى شي

يقول قلت لعامل البنزين قل لهم لاااااازم اشتريلهم أي شي ,,وصرت أعرض عليهم

يقول فنظروا لبعضهم ويبتسمون ثم قالوا لهذا

قالوا قل له أنا وأياها متزوجين من 50 سنه وأول سنه أتفقنا أنا نحرم أنفسنا علشان انجمع للحج

ومن خمسين سنه وحنا نأكل ها الأكل وما ضرنا ولابيضرنا فمانبغى وجبتك شــــكرااا

سبحـــــــــــــــــــان الله

صدق الله جل جلاله {وأذن في الناس بالحج ....

.الله غني ياجمــــاعه وحنا الفقراء يقدر يجيب ناس من 50 سنه يفكرون بالحج

ونحن نقدر نحج نقرر بكره

{وأذن في الناس بالحج يأتوك رجــــــــالا ,,,يقول لو لم يجدو إلا على رجليهم جـــو إلا على الأقدام

لأن قلوبهم جابتهم مو رجليهم

{.يأتوك رجــــــــالا وعلى كل ضامر يأتين من كــــل فـــج عميـــق ليشهــــدوا منـــــافع لهم} ,,أي والله لهــــم

فأيش يقول إلي عنده استطاعه وعنده مـال وفي السنه هذي سافر كم سفريه بالصيف ويقدر يحج وما حج

علشان كذا الله سبحانه وتعالى يقول { ولله على الناس حج البيت من استطاع إليه سبيلا}

ما قال بعدهــا فمن أثم ومن ظلم ومن فسق ومن فجر ومن عصى لا قــــال بعــــــــدها { ومن كفر فــــإن الله ,,,

إيش ؟غني عنـــه ؟؟لاااا ,,فـــإن الله غــنــي عـــن العـــالميــن}

كل الناس كــلهم الله غني عنــــــهم

يا جمـــــــاعه من إلي جـاب الناس ذول كــــلهم الله ,,وبإي عضـو, ؟؟

مكــــــه ياجماعه ما جعــــل الله فيها أنهــــار,,يقدر سبحانه يجعـل مكـه أجمــــــــل بقعـــــــه في الدنيــــا صـــح؟؟

كمـــا جعل سبأ ,,مع أنها أحب البقــــــاع إليه لـــــــــكن ما أعطــــاها هذه الصفات ,,ليـش!!؟؟

ماجعل فيها أنهار ولا جعل فيها ثمارولا جعل فيها جنان ومناظر خلابه ولاجعل فيها أمطار ليــــــــــــش؟؟



علشــــــــــان ما تأتــــي إلا لله

تسافر أماكن ثانيه علشان جــوها زين تسـافر أماكن ثانيه علشان فيها والعياذ بالله بعض المحرمات فيها

وتسافر أما كن ثانيه علشان فيهـا وفيهـــا

هذا المكــــــــــــان (مكه) ما يجيــــبك فيييه أي شي ,,من إلي يجيـــــبك؟؟؟قلـــــبك

{فجعـــــــــــــل,,إيش أجساد الناس تهوي ؟؟

{فجعــــــــــل أفئــدة من النــــــــاس تهوي إليهم }

والله ماتجيبنا إلا قلوبنا ياجماعه بعد الله عـزوجل

لأجل هذا حبيبي الغالي مدام مايجيبنا إلا الله عزوجل وماتجيبنا إلا قلوبنا نتفق نجح

وهذه رساله لكل من سيحــج أن يقـرأ سورة الحج ثم يقرأها بقلبه قبل أن يجي للحج

تعـــــــــــال حبيبي الغالي نمـــــــر مرورا سريعـــا على محطــات الحج

الحاج قبل أن يحج يخبر أهله صح ؟؟ثم ينتقل ويودع

ثم كسره في قلبه صح؟؟

انكسر قلبه الأن ترك أهله ودعـــهم والدموع تشـابكت الدموع ثم ذهب

,ثم بعده يمشي لابد أن يحصل له انتقال ومحطه تغير من حياته وين ؟؟

عند الميقات حالته تتغير بشكل شديد وبشكل عجيب

ثم يقف عند الميقات حتى لو فوق الطياره تلقاه محترس متى الميقـات؟؟

لأن فيه نقطـــة تحــــول ,,قدراتك بعد هذه أقل من قدراتك قبلها

المساحه الي عندك من الخيارات أقل بعد هالمرحله ,,

حتى لوكنت في الجو ؟!!؟حتى لو كنت في الجو

تأتي عند الميقات إيش أتسوي ؟؟ تخلع ملابسك صـح؟؟

إن كــــــان قلبك حي سيقـولك مدام هي رحلة قلوب.. فجعل أفئدة من الناس

سيقـول لك قلبك..سبحان الله ودعت أهلك انكسر قلبك ...وقفت في ميقات..ثم نزعت ملابسك غدااااااا

ستودع أهلك ينكسر قلبك تقف في ميقات لاتعلمه

{وماتدري نفس ماذا تكسب غدا وماتدري نفس بأي أرض تموت}

ثـم ستخـلع ملابسك ولكن بغير يـدك

ثم بعدها بعض الناس يغتسل في الميقات

يقولك قلبك وغدا سيكون لك هذا

ثم إذا نزعت ملابسك غيريدك ,,ستغســــلك غيـــر يدك

ثم بعدها تتطيب صح ؟؟بطيب أنت تختاره

يقولك قلبك سبحان الله نفس الموقف إلي سيحدث لك في يوم من الأيام ,,لكن الطيب لن تختاره أنت سيختاره المغسل

ثم بعدها تأخذ خرقه بيضاء وتلفها عليك ,,صح؟؟

يقـولك قلبك وغــــــدا إذا نزعت ملابسك غيرك من أيادي غيرك وغسلتك أيادي غيرك وطيبتك أيادي غيرك سيلفك بخــــــــرقه ولفافه بيضـــاء أيادي غيـرك

ثم بعدها تخــــرج كأنك ميت حتى ظفرك ماتقدر تقصه

ميت بس يمشي

حتى شعره ماتقدر تقطعها

إيش هذا!!! لا ينكح ولايخطب ميت ماله أي سلطه مايطيب إيش هــذا!!!

ميت ولكن يقولك قلبك اليوم ميت وتمشي والتوبه مفتـــوحــــه

غــــدا إذا لفـــــوك بالأبيض والله العظيم بتقول {ربِ رجعــــون.........}

مــاعندك إلا هـــدف واحـــد

{.........لعلي أعمل صلح فيمـــــــا تركت}

وسيقالك كــــــــــلا

علشان كذا إذا قلبك بدا يتحرك

تركب الباص وتبدأ تشوف الناس ,,والله إن بدأت بهذه البدايه ستلاحظ أن حجك له طعـم

حيـاتك لها طعـم كل موقف في الحج يؤثـــر فيك

أكثر الحجاج ياجماعه والله يمشي ولايدري وش القصه!!

علشان كذا تشوف فتيات متبرجات تجي وتأخذ أوزار ,,ليتها ماحجت

و أنت فوق الباص تنظر يمين وأنت راكب مع الحمله وحاجز وتشوف الناس تحت

شفناهم ياجماعه شايل معه أغراض وبطانيات يالله يمشي

فيقولك قلبك تقدر تسويها في ذاك اليوم تقدر تجي مرتاح ذاك اليوم

يوم يحمل غيرك الأوزار قدامك في يوم القيامه

إن إستطعـــت ففعــــــــل

بيبدى قلبك معك وحده وحده وبيقولك ترى هناك أناس { لايحزنهم الفزع الأكبر وتتلقاهم الملائكه}يقولك قلبك

{ويوم تقوم الساعه يومئذٍ يتفرقون}

وفي النموذج هذا يتفرقون الناس ليس كل الناس في حملة فئة ( أ) وليس الناس في حملة فئة (ب)

في ناس على الرصيف وفي ناس على الأسفلت وفي ناس ماهولاقي لارصيف ولا أسفلت وطلع عليه اليوم وهو يدور

صــــــــــــــــــح؟؟؟

يقولك الله أنظر ركز في النموذج هذا ,,تــــــــــــرى أبحشــــــــرك وبتشوف مواقف ثانيه بس أشـــــــــــــد

وأنت جـالس أطالع أناس تحمل أوزاره

تتذكر قول الله

{ليحمــــــــلوا أوزارهم كاملةً يوم القيامه ومن أوزارالذين يظلونهم بغير علم إلا ســـاء مايزرون}

ثم بعدها وأنت في الحج جالس تتأمل في اختلاف الناس

هذا في رصيف وهذا جالس وهذا دخل وهذا قايم ثم تفاجئ إنك جيت ولا الحمله عندها حراس صح؟؟

يقـــــــــــولك ويـــــــن البطــــــاقه؟؟

علشان يسمح لك تدخل أو يقولك أرجـع,,

ثم أطلع البطاقه ثم يقولك أدخل,,,, ليش؟؟؟

لأنك حـــــــــــــاجز قبل ما تلبس الأبيض فهمنــــــا الدرس؟؟

مافي مكاتب حجز حملات في وسط الحج صح

كلها محجوزه قبل لاتلبس الأبيض



تعــــــــال واحجزقبـــــل

احنـــا حاجزين ياجماعه قبل لانلبس الأبيض جـاهزين؟؟

فنبدأ نتجهز ياجماعه

وأنت تنظر للناس تفاجأ ولا صارخ يصرخ ورائك ,,الطريق ياحاج الطريق ياحاج

إلا تناظر وراك إلا الشرط والعساكر يفتحون الأبواب ويفتحون الطرق ويخلون الناس يمين ويسار

ثم تأتي سيارات مكتوب عليها ,,ضيــــــــــوف خـــــــادم الحـرمين الشريفين

ثم تمشي أمامك

هذا الموقف في ناس ينجح فيه وفي ناس يرسب

في ناس تقول ياحظهم

وفي ناس ينظر ثم يقول سبحـــــــان الله

هؤلاء لهم علاقه بملك من ملوك الأرض

فيسرت أمورهم في هذا الموقف العظيم

هل عندي علاقه مــــع مـــــــــــالك السموات والأراضييين فأتي يوم القيامه مع ضيوف خالق السموات والأراضين

الذين ذكرهم ربِ جل جلاله وقال { يوم نحشر المتقين إلى الرحمن....بتشوف وفد ثاني جاي رايح للرحمن حولهم ملائكه

.............إلى الرحمن وفدا} اللهم اجعلنا منهم يارب العالمين

{ونسوق المجرمين إلى جهنم وردا} أعاذنا الله وأياكم منها

فتقدر اتصلح لنفسك وعلاقتك اتزين مع ربك اليوم وأقدر؟؟

وأنت اتفكر في هالقضيه إذ بأحد يحرك رجلك من تحت فتنظر إذ به رجل قد قطعت قدماه وقطعت أطراف كفوفه وجالس يحرك رجلك فتنظر إليه

"فيقولك أبي ريـال صدقه لله"

فيقولك قلبك سبحان الله في يوم القيامه إن استطعت أن لا تلحق أهلك وأولادك تقول لهم "عطوني حسنه" فخذها الأن وجمعها الحين فتجد فكرك يتغير تجدك تعرف طعم الحسنه

إذا قلت لأحد السلام عليكم,,,يجي قلبك يقولك كملها وخذ عشرين حسنه زياده

إذا لقيت منديل في الأرض تلقاك تشيله

تفرح بلي يآذيك تقول سامحتك

وأنت ماشي في الحج تقول يارب لأجـــــــلك

أقسم بالله تحس بطعم

والله تحس بطعـــم

يقول الله جل جلاله في ثاني آيه من آيات الحج

{ومن الناس من يجادل في الله بغير علم ويتبع كل شيطان مريد كُتب عليه أنه من تولاه فأنه يضله ويهديه إلى عذاب السعير}

سبحان الله

شف الدرس الثاني شف درس الحج الثاني ثاني آيات الحج إلي نبغاك تتعلمه في الحج أن لا تجـــــــــــــــــادل

واحد في الحج تلقى رصيده مثلا خمس مليون وتلقاه ساكن في قصر وتلقى ثوبه بكم بمئة ريال وشماغه بكم

ثم تسأله تقوله "طيب أنت ليش لابس لفافه مثلك مثل أفقر واحد في الدنيا"؟؟!! وتلقاه مـــــــا يجــــــــــادل!!

مايقول أنا عندي فلوس ليش ألبس لفافه بيضاء,,, صـــــــح؟؟؟

يقـــــــــــــول سمعنـــــا وأطعنــــــــــا

هذا التاجر صاحب العمارات والتجارات نايم فوق رصيف!!

ما قال طيب أنا عندي فلوس أبا أروح أسكن في فندق

شف ولا أحــــــــــــــــــد يجـــــــــــــادل سمعـــــــــــا وطــــــــــــاعه

يقول تبغانـــا يالله ننام على رصيف ننام على رصيف

طيـــــب ليـــــــش إذا رجعت من الحج تجـــــــــــادل في أحكـــــام الله ؟؟!!

إذا رجعنا لازم نفهم الدرس

بس مره وحـده تكفيـك تحج في العمر ترجع فــــــــــــــاهم الدروس هذي كــــــلها

ومــــا تجــــــادل في الله

ولاحـــــــــــظ في الحج حجر تلقطه

وحجر ترميه وحجر تقبله

وحجر أطـــوف عليه

إيــش هـذا؟؟

يعـــــــــــــــلمك الحج أن تسوي الأشيــــــــــاء مـــــــدام ثبتت عن الله ولا تســــــــــأل ولا تجـــــادل

سبحــــــــــــان الله العظيـــم

أخـــــــــــر درس وهو أهم درس في سورة الحج كـــله وفي الحج كــــــــله

أن يحقق التوحيـــد في قلبك أنه لا إله إلا الله

قــــولا وعمــــــلا

لا أدعو غير الله ولا أرجو غير الله

ولا ألتجأ لغير الله عزوجل في مالا يقدر عليه إلا الله

علشان كذا في أخر أخـــــر صفحه في سورة الحج إيش هي ؟؟

{ يا أيها الناس ضرب مثل فاستمعوا له إن الذين تدعون من دون الله ,,,أي أحد تدعوه تقول يا علي ياشاذلي ياحسين يابدوي

{ إن الذين تدعون من دون الله لن يخلقوا ذبابا ...والله خلقك أنت بكبرك ...لن يخلقوا ذبابا ولو اجتمعوا له }

سبحــــــــان الله شوف القدره

وشوف ضعف من دونه

{ وإن يسلبهم الذباب شيئا.....أي شي من طعام وقع على وجهه وأخذ أي شي

{لا يسنقذوه منه ضعف الطالب والمطلوب } وش قال بعدها سبحانه

{مــــــــــــــــا قدروا الله حـق قــــدره}

يأتي يحج يقول يافلان وهو في الحج يدعو غير الله ويالتجـــأ لغير الله !!

{ماقدروا الله حق قدره إن الله لقوي عزيز}

حبيبي الغالي إن إستطعت أن تدعو الله أن يصلح قلبي و قلبك وأن تقرأ آيات ربك قبل أن تحج ففعل

فإني لــك من النــــاصحيــــن ,,,



وأصلى وأسلم على أشرف الخـــــلق نبينا محمد وعلى آله وصحبه أجمعين





الدكتـــــــــــور عبــدالمحسن الأحمد حفظه الله ورعـــــــــاه