|
| جديد المواضيع |
|
|||||||
 |
|
|
أدوات الموضوع |
|
#1
2012-09-13, 05:13 PM
|
|||
|
|||
!!هــــــل فكـــــرت فــى يـــوم انـــــــك .......!!
بسم الله الرحمن الرحيم
والحمد لله رب العلمين والصلاه والسلام على خير البشر محمد وعلى اله وصحبه اجمعين الى يوم الدين وبعد النهارده يا اخواتى هيكون موضوع الدرس عن نعمه انعم الله علينا بها ونسينا نشكره عليها النعمه دى اغلى نعمه واعظم نعمه من الله علينا بها علشان مطولشى عليكم هيكون الدرس بعنوان ,,, يا مسلم... يا مسلمه ,,, هـــــل شكرتــــــم اللـــــــه علـــــى نعــــمه الاســـــلام ؟؟؟ سؤال مهم جدااااا عاوزين اجابه ليه تكون صادقه ... ولكن قبل الاجابه على السؤال تعالوا نعرف فى الاول قد ايه ربنا اكرمك ومن عليك بنعمه الاسلام وكفى بها نعمه ... بص اخى واختى كده حواليكم هتلاقى النصرانى واليهودى والبوذى وتلاقى الى بيعبد البقر والى يعبد الشمس والى يعبد القمر والى يعبد الفار والى يعبد النار والى عبد العجل والى يعبد الاصنام والتماثيل والى يعبد البشر زى الناس ايام الفراعنه ما كانوا يعبدوا فرعون .. وتلاقى الى يعبد القطط ووووووووحجات كثير اوى ... وشوف حضرتك ربنا اكرمك باب وام مسلمين انجبوك انسان مسلم موحد لله عز وجل .... ربنا اصفاك واختارك علشان تبقى مسلم موحد ليه وعلشان نحس اكثر بكرم وفضل ربنا علينا انه خلانا مسلمين تعالوا نشوف ربنا قال ايه فى الناس الغير مسلمين الى هما كفار ونتخيل نفسنا مكانهم فيا ترى ايه الى كان هيحصل لينا لو مكناش مسلمين ؟؟؟ ربنا قال فى القرءان ان الذين كفروا بايتنا سوف نصليهم نارا كلما نضجت جلودهم بدلناهم جلودا غيرها ليذوقوا العذاب ان الله كان عزيزا حكيما .. حضرتك لو مش مسلم كانت هتنطبق عليك الايه دى .... يا الله ما اكرمك ان الله لعن الكفرين واعد لهم سعيرا خلدين فيها ابدا لا يجدون وليا ولا نصيرا يوم تقلب وجوههم فى النار يقولون يا ليتنا اطعنا الله واطعنا الرسولا . حضرتك لو مكنتش مسلم كانت برضو هتنطبق عليك الايه دى وتكون ملعون يعنى مطرود من رحمه الله التى وسعت كل شى ..... يا ربى ما ارحمك والذين كفروا لهم نار جهنم لا يقضى عليهم فيموتوا ولا يخفف عنهم من عذابها كذلك نجزى كل كفور . وهم يصطرخون فيها ربنا اخرجنا نعمل صالحا غير الذى كنا نعمل اولم نعمركم ما يتذكر فيه من تذكر وجائكم النذير فذوقوا فما للظلمين من نصير .... ياااااااه تخيل نفسك يا اخى ... وانتى اتخيلى نفسك يا اختى لو مكناش مسلمين كنا مع الناس دول فى النار,, ربنا يا رب ينجينا واياكم من حرها .. امــــين وللذين كفروا بربهم عذاب جهنم وبئس المصير * إذآ ألقوا فيها سمعوا لها شهيقا وهي تفور * تكاد تميّز من الغيظ كلمآ ألقيفيها فوج سألهم خزنتهآ ألم يأتكم نذير . لو مكنتش مسلم يا مسكين كان مصيرك هيبقى زيهههم بالضبط لو يعلم الذين كفروا حين لا يكفون عن وجوههم النار ولا عن ظهورهم ولا هم ينصرون احمد ربك الان انك مســلم موحـــــد إن الذين كفروا لن تغني عنهم أموالهم ولا أولادهم من الله شيئا وأولئك أصحاب النار هم فيها خالدون يعنى لو مكنتش مسلم برضو هتكون خالد فى النار مش هتطلع منها تانى وتتعذب اشد العذاب فيها . والذين كذبوا بآياتنا واستكبروا عنها أولئك أصحاب النار هم فيها خالدون وسيق الذين كفروا إلى جهنم زمرا حتى اذاجآءوها فتحت أبوابها وقال لهم خزنتهآ ألم يأتكم رسل منكم يتلون عليكم ءاياتربكم وينذرونكم لقآء يومكم هذا قالوا بلى ولكن حقت كلمة العذاب علىالكافرين * قيل ادخلوا أبواب جهنم خالدين فيها فبئس مثوى المتكبرين يا اخى ويا اختى يا رب تكونوا دلوقتى حسيتوا بكرم رب العزه علينا وخلانا مسلمين لما قرائتوا الايات فالذين كفروا قطعت لهم ثياب من نار يصب من فوق رؤسهم الحميم . يصهر به ما فى بطونهم والجلود ولهم مقمع من حديد . كلما ارادوا ان يخرجوا منها من غم اعيدوا فيها وذوقوا عذاب الحريق . وكثير يا اخواتى ايااات عذاب للكفرين ... يعنى يا اخواتى تخيلوا كده النصارى واليهود والكفار وكمان الى بينكروا وجود الله عز وجل اتخيلوهم وهما فى الدنيا عايشين لسه معروف مصيرهم ايه .. معروف مصيرهم النار والعذاب ... والله يا اخواتى احنا فى نعمه عظيمه ان ربنا جعلنا مسلمين .. واحنا طبعا عارفين ان نعم ربنا لا تعد ولا تحصى يعنى فى نعمه العقل ونعمه الصحه ونعمه المال ونعمه العلم ونعمه الماااء ونعم كثير جدا كل النعم دى يا اخواتى هتنتهى بانتهاء الدنيا الا نعمه الاسلام هى الى هيمتد اثرها وفضلها فى الاخره فلو احنا مش مسلمين كان مصيرنا النار والعياذ بالله ... اصلا ربنا خلق الدنيا وخلقك وبعث الرسل كل الرسل وانزل الكتب كل الكتب وبعث ليك محمد صلى الله عليه وسلم من اجل دين الاسلام من اجل لا اله الا الله فانت يا اخى رب العزه كرمك وانعم عليك وتفضل عليك بنعمه الاسلام فى الوقت الى اكثر اهل الارض فيه مشركون وكفار ربنا جعلك مسلم من بين المليارات دى كلها واصطفااااااك ... رب العزه يقول اليوم اكملت لكم دينكم و اتممت عليكم نعمتى و رضيت لكم الاسلامدينا وربنا مش هيقبل اى دين من اى انسان غير دين الاسلام ,,, قال الله عز وجل ..فمن يبتغى غير الاسلام دينا فلن يقبل منه وهو فى الاخره من الخسرين ..... يعنى اليهودى والنصرانى والبوذى او كل الاديان التانيه ربنا مش هيقبلها منهم وهيقبل منك انت بس يا مسلم لانك اتبعت دين الله ولولا فضل الله عليك وكرمه ورحمته بيك كنت هتبقى مع دول والعياذ بالله ... ورب العزه يقول ... ان الدين عند الله الاسلام ..... ياااااه احمد ربك انك مسلم دلوقتى حسيت بعظمه النعمه دى ولا لسه برضو ؟؟؟ عرفتوا يا اخواتى هنعرف عظمه نعمه الاسلام اكثر فى الاخره يوم القيامه لما ربنا يقول ... يا عبادى لا خوف عليكم اليوم ولا انتم تحزنون الذين امنوا بايتنا وكانوا مسلمين . ادخلوا الجنه انتم وازواجكم تحبرون . يطاف عليهم بصحاف من ذهب واكواب .. وفيها ما تشتهيه الانفس وتلذ الاعين وانتم فيها خلدون . وتلك الجنه التى اورثتموها بما كنتم تعملون . لكم فيها فكهة كثيرة منها تاكلون .. وبرضوا يا اخواتى هنشوف عظمه نعمه الاسلام اكثر فى الاخره لما ربنا يقول للكافر كما فى الحديث ... يقول الله تعالى لأهون أهل النار عذابا : لو كانت لك الدنيا وما فيها أكنت مفتديا بها ؟ فيقول : نعم فيقول : قد أردت منكم أهون من هذا وأنت في صلب آدم ألا تشرك . إلى قوله : فأبيت إلا الشرك .... فاحمد ربك انك موحد لله وادعى ان يميتك على الاسلام وبرضو هتظهر نعمه الاسلام فى الاخره لما ربنا ميخليش المسلمين الموحدين فى النار حتى لو عملوا ذنوب ومعاصى هيتعذبوا على قدها وربنا هيخرجهم من الناار ويدخلهم الجنه ... يعنى مش هيخلدوا فيها زى الكفار . والدليل يا اخواتى فى حديث الشفاعه ... بس الحديث طويل انا بس هذكر ليكم الجزء الى يخص الموضوع الى هو ... بعد ما الخلائق تطلب من الانبياء الشفاعه وكل الانبياء تقول نفسى نفسى الا سيد وامام الانبياء محمد هو الى هيقول انا لها انها لها ويسجد تحت عرش الرحمن فرب العزه يامره انه يشفع ويطلع ناس من النار ويطلعهم ويرجع مره تانيه لله عز وجل ويسجد تحت عرش الرحمن فربنا يامره برضو يطلع ناس من النار وهكذااااااا فى المره الرابعه النبى يقول لرب العزه يا رب ائذن لى فيمن قال لا اله الا الله ... يعنى يا رب اسمحلى اطلع من الناااااار الى وحدك بس هو عمل ذنوب كثير فدخلته ذنوبه النار فرب العزه يقول لمحمد صلى الله عليه وسلم وعزتى وجلالى ورحمتى لا ادع فى النار احدااا يقول لا اله الا الله وفى روايه هذه ليست لك يعنى مش انت يا محمد الى هتطلعهم من النار دى ليا انا وعزتى وجلالى ورحمتى لا ادع احد يقول لا اله الا الله .... اكبر ارفع راسك يا من وحدت الله .. يا من من الله عليك بالاسلام ارفع راسك لتعانق كواكب الجوزاااء انك من الموحديالله ن من اتباع سيد المرسلين صلى الله عليه وسلم ... والله يا اخواتى دى كرامه كبيره اوى ونعمه عظيمه اوى وهتشوف عظمه النعمه دى فى الاخره طيب ناخد موقف تانى يبين ليك برضو عظمه نعمه الاسلام يوم القيااااامه قال رسول الله صلىالله عليه وسلم : (( إن الله سيخلص رجلا من أمتي على رءوس الخلائق يومالقيامة ، فينشر عله تسعة وتسعين سجلاً ، كل سجل مد البصر ، ثم يقول : أتنكر من هذه الأشياء ؟ أظلمك كتبتي الحافظون ؟ فيقول لا يا رب . فيقول ألكعذر ؟ فيقول : لا يا ربفيقول : بلى إن لك عندنا حسنة فإنه لا ظلم عليك اليوم فتخرجُ بطاقة فيها : أشهد أن لا إله إلا الله وأشهد أن محمد عبده ورسولهفيقول : احضر وزنك . فيقول يا رب ما هذه البطاقة مع هذه السجلات ؟ فقال : إنك لا تظلم ، قال : فتوضع السجلات في كفة والبطاقة في كفة فطاشت السجلاتوثقلت البطاقة فلا يثقل مع أسم الله شئ النبى بيقول يوم القيامه رب العزه يخلص واحد من امتى ياخد تسعه وتسعين سجل والسجل يا اخواتى الى هو مكتوب فيه ومسجل كل الحسنات والسيئات كل سجل من التسعه وتسعين دول كمد البصر يعنى اخواتى لو نظرنا قدامنا على حاجه اخر حاجه هتجيبها عينك ده اسمه مد البصر برضو السجل هيكون كده يوم القياااامه طويل لغايه ما عينيك تجيب اخره ... فربنا يقوله انت تنكر حاجه اتكتبت عليك ؟؟ فيقول لا ؟؟؟ فيقوله طيب ليك عذر ؟؟ فيقول لا يا رب ... فربنا يقوله الملايكه الى كانت تكتب وتسجل عليك اعمالك ظلمتك فلاقيت غير الى عملته ؟؟ فيقول لا يا رب فيقوله ربنا ليك عذر ؟؟ فيقول لا يا رب فربنا يقوله لا انت ليك عندنا حسنه فانه لا ظلم عليك اليوم فربنا يعطيه بطاقه صغيره مكتوب فيها اشـــــــهد ان لا الــــه الا اللـــــه واشهــــــد ان محمـــــــد رســـــــول اللـــــه فربنا يقوله احضر وزنك يعنى هات البطاقه والتسعه والتسعين سجل فيقول العبد يااااارب ما هذه البطاقه مع هذه السجلات ؟؟ يعنى كلنه بيقول يا رب والبطاقه الصغيره دى هتعتبر ايه مع السجلات الكبيره الى ملاينه ذنوب دى قربنا يقوله مش هتظلم فتوضع السجلات الكبيره الضخمه الى ملايانه ذنوب غيبه ونميمه وكذب واغانى ومخدرات وخمر وخداع وترك الصلاه وعقوق والدين فى كفه والبطاقه الصغيره الى مكتوب فيها لا اله الا الله فى كفه فتطير كل السجلات وتثقل الكفه الى فيها البطاقه فلا يثقل مع اسم الله شى ... علشان كان موحد مسلم ... يااااااااااه دلوقتى يا رب يكون حسينا بنعمه الاسلام .... ومواقف كثير يا اخواتى مش هقدر اقولها علشان منطولشى ... فانت يا اخى فى نعمه كبيره والله ومش حاسس بيها واحنا غافلين عن شكرها والعمل بيهاااااااا الموقف ده من حديث النبى صلى الله عليه وسلم ... يا اخواتى والله لو قعدت اتكلم للصبح مش هقدر انتهى من كلامى عن نعمه الاسلام ... انت يا اخى وانتى يا اختى اشرف الخلق على وجه الارض اى وربى لانكم وحدتم الله عز وجل فى الوقت الذى كفر فيه اغلب اهل الارض ... ومما زادنى فخرا وشرفا .. وكدت باخمصى اطا الثريا دخولى تحت قولك يا عبادى وان صيرت احمد لى نبيا يا اخواتى والله احنا مشعرناش بقيمه وعظمه الاسلام الا من رحم ربى طبعاااااا وكمان الاسلام اتى الينا بدون تعب وعنااااااء احنا تولدنا لاقينا نفسنا مسلمين ولكن لو رجعنا للوراء شويه فى زمن النبى صلى الله عليه وسلم هنعرف قد ايه النبى والصحابه تعبوا علشان يوصلوا ليك الدين ويخلوك مسلم موحد لله عز وجل تعرف يا اخى و تعرفى يا اختى ان الرسول والصحابه بذالوا اموالهم وضحوا باولادهم بل بانفسهم وجاهدوا فى سبيل الله علشان يوصلك الدين دة ويوصل لغيرك بدون اى تعب واى عنااء يعنى دين الاسلام جه ليك على طبق من ذهب الصحابه اتعذبوا وسابوا بلدهم واموالهم وهاجروا علشان دين الاسلام يوصلك ويوصل لغيرك ان الكافر الذى يسلم فى اى مكان يعرف قدر و عظم هذا الدين لانه جرب الكفر و الايمانوعرف ما كان فيه من ضياععرف قيمة الصلة باللهوقيمة القرآنو قيمة اتباع سنة النبىوقيمة ان يكون له هدف وهو دخول الجنهوعرف قيمة اخلاقيات الاسلامعرف قيمة الخشوع وحلاوة الايمان و الروحانيات التى لم يذقها من قبل والان يا اخواتى حان ان اطرح عليكم السؤال الذى سالناه اول الدرس هــــــل شكرتــــــم الله عز وجل على نعــــمه الاسلام ؟؟؟ اجيبكم انا ... فاقول لا والله .. الا من رحم ربى ... فالنعمه يا اخواتى تستلزم الشكر وربنا امرنا بشكر نعمه ووعدنا بالزياده لو شكرناه على نعمه ... قال الله عز وجل ولان شكرتم لازيدنكم ... وامرنا بالشكر فقال ... فاذكرونى اذكركم واشكروا لى ولا تكفرون . وقال الله لموسى .. يا موسى انى اصفيتك على الناس برسالتى وبكلامى فخذ ما اتيتك وكن من الشكرين ... وقال الله عز وجل .. اعملوا ال داود شكرا وقليل من عبادى الشكور .. يعنى نعم الله وخاصه نعمه الاسلام تستلزم الشكر حتى لا تزول . طيب هل يكفى ان اشكر الله على نعمه الاسلام فاقول الحمد لله والشكر لله على نعمه الاسلام ؟؟؟؟ اجيبك فاقول لالالا لا يكفى ... طيب كيف اشكر الله على نعمه الاسلام ؟؟؟ ابن القيم يا اخواتى الى اجاب على السؤال ده ... وقال ... والشكر كما يكونباللسان يكون بالقلب والأركان كذلك، فهو كما قال ابن القيم يكون بالقلبخضوعاً واستكانة، وباللسان ثناء واعترافاً، وبالجوارح طاعة وانقياداً)(2)،فمن أتى بهذه الثلاثة كان شاكراً ظاهراً وباطناً، فله بإذن الله دوام النعموزيادتها.. يعنى ايه الكلام الجميل ده ؟؟؟ يعنى يا اخواتى انا اشكر الله على نعمه الاسلام بثلاث اشياء ... اول حاجه نشكر ربنا على نعمه الاسلام بالقلب يعنى قلبك يستشعر بقيمه نعمه الاسلام الى ربنا انعم عليك بيها وان النعمه دى ربنا تفضل عليك واكرمك بيها وان ربنا انقذك من النار وخلاك مسلم .. فكنتم على شفا حفره من النار فانقذكم منها تانى حاجه الشكر يكون باللسان ثناءا واعترافا ... يعنى تحمد ربنا عز وجل وتقول مثلا الحمد لله على نعمه الاسلام وكفى بها نعمه . فالحمد لله تملا الميزان ... عودوا السنتكم تقول الحمد لله ... طيب ثالث حاجه شكر نعمه الاسلام بالجوارح طاعه وانقيااداا ... يعنى يا اخواتى نطبق الدين نسمع كلام ربنا نمتثل الامر يعنى نعمل كل الحجات الى ربنا امرنا بيها ... ونجتنب النهى ... نبعد عن الحجات الى ربنا نهانا عنها ونقف عند حدود الله .... نطبق الاسلام فى حياتنا يعنى ونربى اولادنا فيما بعد عليه .. ونخدم دين الاسلام برضو باموالنا وانفسنا ... وكمان يا اخواتى ننشر الدين بكل الوسائل والطرق يعنى مثلا فى المنتديات والجروبات على الفيس بوك ... والصفحات وانشاء المواقع الاسلاميه الى تنشر الاسلام ... ونترجم الاسلام باللغات الاجنبيه علشان نوصله لغير المسلمين .... وكمان نوقظ المسلمين الغافلين من جديد عن طريق الدعوه لله ..شكر نعمه الاسلام يكون كده يا اخواتى ... مش نقول الحمد لله والشكر لله وبس .. باقيه حاجه اخيره مهمه جداااااااااااااا وهى يا اخواتى انكم اوعوا تنسوا تدعوا ربنا انه يثبتكم على الاسلام ويميتكم عليه .. ادعوا ربنا انه يختم لنا بالتوحيد ويختم لنا على دين الاسلام ... يااااااااااه يا اخواتى كام من اناس الى كان مؤذن واتفتن بامراه مسيحيه وترك الاسلام ومات على الكفر واهو كان مسلم مؤذن مش انسان عادى يعنى ... والى كان مسلم واتنصر ... يا اخواتى والله ما حد عارف نفسه هيموت على ايه ... تعرفوا ان سيدنا يوسف عليه السلام قال ,,, توفنى مسلما والحقنى بالصالحين ؟؟؟ يا اخواتى هل حد فينا فكر قبل كده وخاف انه يموت على غير الاسلام ؟؟؟ احنا يا اخواتى قبل ما نسلم من الصلاه بندعى ونقول اللهم انى اعوذبك من فتنه المحيا والممات .. فى سكرات الموت الشيطان يجى للانسان ويقوله كن يهوديا والتانى يقوله كن نصرانيا والثالث يقوله كن مجوسيااااااا فالذى ينجو من يثبته ربه ... ادعوااااا يا اخواتى بالثبات وادعوا الله ان يميتنا على الاسلام ..... ادعى دائما بذلك ان يتوفاك الله مسلمااا.... اللهم امتنا على لا اله الا الله اللهم ثبتنا على الاسلام يا رب العلمين اللهم لك الحمد كما ينبغى لجلال وجهك وعظيم سلطانك اللهم لك الحمد فى الاولى والاخره ... اللهم لك الحمد اذا رضيت ولك الحمد بعد الرضا ... اللهم لك الحمد ملا السموات وملا الارض وملى ما بينهما يا رب العلمين اللهم لك الحمد انت نور السموات والارض .. ولك الحمد انت قيوم السموات والارض اللهم لك الحمد بالاسلام ولك الحمد بالايمان ولك اقلحمد على النبى محمد صلى الله عليه وسلم اللهم لك الحمد عدد قطرات الندى ولك الحمد عدد طرات المطر ولك الحمد عدد خلقك وزنه عرشك ومداد كلماتك ولك الحمد عدد اوراق الشجر ولك الحمد حدد حبات الرمال ولك الحمد عدد ما كان وعدد ما يكون وعدد الحركات والسكون ... اكتفى بهذا القدر:::::: وصلى اللهم على محمد وعلى اله وصحبه اجمعين والسلام عليكم ورحمه الله وبركاته 
|
|
| أدوات الموضوع | |
|
|
