!!هــــل نصـــرنا النـــبى ؟؟؟ اعــــرف قـــدره اولا !! -

[كن مع الله]

[بسم الله الرحمن الرحيم
والحمد لله رب العلمين والصلاه والسلام على سيد الاولين والاخرين على خير البشر على سيد ولد ادم على امام الانبياااااااء والمرسلين محمد وعلى اله وصحبه اجمعين الى يوم الدين وبعد ,,,,,
اخواتى هيكون موضوع الدرس بعــــــــنوان هل نصرتم نبيكــــــم !!
احنا سمعنا وعرفنا يا اخواتى بحكايه الفيلم المسي للنبى صلى الله عليه وسلم الى عملوه نصارى المهجر فى امريكا ...... ومن قبله الرسوم المسيئه فى الدنماااااااارك ... الــــسؤال هنــــــا .. احنا عملنا ايه علشان ننصر النبى صلى الله عليه وسلم ؟؟؟ قبل ما اكمل كلامى فى موضوع نصره النبى محمد هعرفكم قد ايه النبى صلى الله عليه وسلم صبر واتحمل الاذى علشان يخليك مسلم ويخلينى مسلمه وينشر الاسلام ... وشوف النبى عمل ايه علشانى وعلشانك وشوف انت عملت ايه للنبى صلى الله عليه وسلم اول ما اتهان وسب ....
انا هذكر مواقف ايذاء المشركين للنبى صلى الله عليه وسلم واقراها بتدبر وبتمعن ..

.

من اول لحظه اعلن فيها النبى دين الاسلام المشركين قابلوه بكل اساااااءه الى قال عليه كاذب والى قال ساحر والى قال شاعر والى قال مجنون والى قال كااااهن .... والنبى صبر واتحمل علشان يوصلك دين الاسلام ويخليك مسلم ....
موقف تانى ... النبى مره كان ساجد عند الكعبه فابو جهل قاعد هو والكفار فقال من منكم ياتينى بسلا جزور بنى فلان ... سلا جزور يا اخواتى يعنى امعااااء الابل فانطلق اشقى القوم .. يعنى راح قام منهم اسمه عقبه ابن ابى معيط وقال انا الى هجيبه .. تخيلوا راح جاب الامعاااء واتخيل هذه الامعاااء لها يوم وتخيل مدى رائحه هذه الامعاء النتنه فراح عقبه ده جاب الامعاء وحطها على كتف وظهر النبى صلى الله عليه وهو سااجد وقعد ابو جهل والكفار الى معاه يضحكوا ويتمايلوا استهزائا بمنظر النبى صلى الله عليه وسلم وعلى ظهره النجاسه ... والنبى مش قادر يرفع من السجود لغايه ما جاتت ابنته الزهراء فاطمه رضى الله عنها وارضاها وازاحته من ظهر النبى صلى الله عليه وسلم ... شوفتوا يا اخواتى النبى اتحمل ايه علشان يخليك مسلم ؟؟؟
موقف تانى .... ابن ابى لهب اسمه عتبه راح للنبى وقاله انا كفرت بالنجم اذا هوى وب ما ضل صاحبكم وما غوى يعنى كفر بالقرءان والى فى القرءان .. فاذى النبى وشق قميصه . يعنى مزق قميص النبى صلى الله عليه وسلم وتفل فى وجه النبى صلى الله عليه وسلم ....... يااااه شفت النبى حصل ليه ايه وعلشان برضو يخليك مسلم موحد لله
موقف ثالث .... لواحد اسمه عقبه ابن ابى معيط ده راح عند النبى صلى الله عليه وسلم ولف ثوبه حول رقبه النبى صلى الله عليه وسلم وخنق به النبى خنقا شديدا لغايه ما جه ابو بكر الصديق ودفعه عن النبى صلى الله عليه وسلم وقال اتقتلون رجل ان يقول ربى الله .... شفت النبى حصل ليه ايه علشان يوصل ليك دين الاسلام ؟؟
موقف رابع .... النبى صلى الله عليه وسلم ذهب للطائف علشان يدعو الناس للتوحيد وعباده الله بدل الاصنام فالناس الى فى الطائف قابلوه بالاهانه ردوا عليه ردا قبيحا وكذبوه وطردوه من الطائف وسلطوا عليه صبيانهم ورموه بالحجاااره لغايه ما قدماه نزفت منها الدماء من ضرب الحجاره ..... ياه شفتوا النبى حصله ايه علشان يخليك مسلم ؟؟
موقف خامس ... قريش لما طردته من بلده اتخيل حضرتك نفسك لو حد طردك من مصر هيكون ايه شعورك ؟؟ والله حزن والم فكيف بالنبى يا اخى ؟؟؟ وقد طرد من احب البلاد الى الله واحب البلاد الى رسول الله الا وهى مكه ؟؟؟
موقف سادس ... امراه ابو لهب كانت تجيب الشوك والاحجار وتحطها فى طريق النبى صلى الله عليه وسلم ..
يا اخواتى النبى لقى كثير واؤذى كثيرر جداااااا وتحمل كل ده وصبر لغايه ما بلغ الرساله ونشر الاسلام لغايه ما ربنا قال اليوم اكملت لكم دينكم واتممت عليكم نعمتى ورضيت لكم الاسلام دينا ... يعنى الم نفسى .. تخيل اخى لما حد يقول عليك كاذب او مجنون ؟؟؟ النبى خير البشر اتقال ليه كده ... تخيل لما حد يقول عليك ساااحر .. تخيل لما يقوالوا عليك شاعر ... كل ده بجانب الاذى من المشركين الكفااار ... النبى مشى على شوك الاسى وطريق العنت علشان يوصل لينا الدين ويخلينا مسلمين موحدين ... فلولا النبى ما اهتدينا ولا صمنا ولا صلينا ... شوفتوا يا اخواتى النبى اؤذى قد ايه علشان يخلينا مسلمين ؟؟؟

والســـــــؤال هنــــا ... احنا عملنا ايه للنبى صلى الله عليه وسلم ؟؟؟ النبى عمل لينا كثيرررر واحنا ايه الى عملناه للنبى .؟؟؟ يا اخواتى النبى صلى الله عليه وسلم يهاااااااان خير البشر يهان ... سيد ولد ادم يهان واحنا نايمين لغايه دلوقتى وصامتين متخازلين ...
اااااه على امه لم تعرف قدر نبيها ... علشان ندرك ونعرف الى حاصل ده قد ايه عظيم ولا يمكن السكوت عليه ابدا باى حال من الاحوال لازم نعرف فى الاول قـــــــــدر النبى صلى الله عليه وسلم ....
فهو النبى المطفى وهو النبى المجتبى فقدر النبى يا اخواتى عند الله عظيم وكرامته عند ربنا كبيره جداااا فربنا اصطفى من البشريه الانبياااء واصطفى من الانبياء الرسل واصطفى من الرسل اول العزم الخمسه الى هما نوح وابراهيم وموسى وعيسى ومحمد صلى الله عليه وسلم واصطفى من اولى العزم الخمسه ابراهيم ومحمد صلى الله عليه وسلم واصطفى محمد وفضله على كل خلقه ... يعنى محمد افضل الانبياء هو امام الانبياء والمرسلين...
وربنا عز وجل زكى محمد صلى الله عليه وسلم فى كل شى ...

زَكّـاهُ فيفُـؤادهفقـال... مَا كَـذَبَالْفُـؤَادُمَا رَأَى


زَكّـاهُ فيبَصَـرهفقـال... مَا زَاغَالْبَصَـرُوَمَا طَغَى
زَكّـاهُ فيصِدْقِـهفقـال... وَمَايَنطـِـقُعَنِ الْهَـوَى
زَكّـاهُ فيصَـدْرِهِفقـال... أَلَـمْ نَشْـرَحْ لَكَصَـدْرَكَ
زَكّـاهُ فيذِكــرهفقـال... وَرَفَـعْـنَا لَـكَذِكْــرَكَ
زَكّـاهُ فيطُـهـرهفقـال... وَوَضَعـْـنَا عَـنكَوِزْرَكَ
زَكّـــاهُكُلّـــهفقـال... وَإِنَّـكَ لَعَـلىخُلُـقٍ عَظِيمٍ
مش كده وبس يا اخواتى ربنا فى القرءان نادى على الانبياء باسمائهم الا النبى صلى الله عليه وسلم فمثلا قال الله عز وجل ,,, يا ادم اسكن انت وزوجك الجنه
يا يحيى خذ الكتب بقوه ... يا زكريا انا نبشرك بغلام اسيمه يحيى ... يا نوح اهبط بسلام منا وبركات ..يا عيسى انى متوفيك ورافعك الى ... يا موسى انه انا الله ... يا ابراهيم قد صدقت الرؤيا ... ربنا نادى على الانبياء باسمائهم الا النبى محمد صلى الله عليه وسلم فناده الله وقال ...يا ايها النبى ... يا ايها الرسول لا يحزنك الذين سارعون فى الكفر ..وربنا يا اخواتى منادهوش باسمه محمد .تكريما له وتعظيما لقدره ومكانته عند الله ..
زى مثلا كده ما تقول لحد حضرتك ... او سيادتك .. او جنابك .. بتقول الحجات دى تكريما للشخص الى قدامك .. ولله المثل الاعلى ربنا مقلش يا محمد زى باقى الانبياااء صلوات ربى وسلامه عليهم .. ولكن ربنا قال اسمه مجرد فى القرءان بس علشان يقرنه بصفه الرساله والنبوه . فقال محمد رسول الله ..
وقال وما محمد الا رسول ... وما كان محمد ابا احد من رجالكم ولكن رسول الله وخاتم النبيين ... يعنى ربنا قال اسمه مجرد يعنى قال محمد علشان يعرف الناس انه رسول اما فى المواضع الاخرى فقال يا ايها الرسول . يا ايها النبى .. تكريما للنبى وقدره وعظمته
وبرضو يا اخواتى ربنا بيصلى على النبى وامر الملائكه والملا الاعلى وامر المؤمنين بالصلاه على النبى صلى الله عليه وسلم فقال ... ان الله وملائكته يصلون على النبى . يا ايها الذين امنوا صلوا عليه وسلموا تسليما .
شوفتوا ازاى قدر النبى عند الله عز وجل
وبرضو حاجه تانيه .. ربنا اعطى النبى نهر الكوثر . ونهر الكوثر ده يا اخواتى ماءه اشد من بياض اللبن وطعمه احلى من العسل وعدد انيته يعنى الاكواب الى هنشرب بيها كعدد نجوم السمااء من شرب منه شربه بيد النبى لا يظما بعدهاااا ابداااا...
وبرضو يا اخواتى ربنا خص النبى صلى الله عليه وسلم بالشفاعه يوم القيامه ...
وبرضو ربنا جعل اسم النبى بجوار اسمه فاول ما نقول لا اله الا الله هنقول محمد رسول الله فكل ما يذكر الله يذكر النبى .. وبرضو فى الاذان اسم النبى بيتذكر كل يوم خمس مرات مع اسم ربنا فالمؤذن يقول اشهد ان لا اله الا الله وبعدها على طول واشهد ان محمد رسول الله ...
وبرضو يا اخواتى ربنا كرم النبى صلى الله عليه وسلم فى ليله الاسراء والمعراج فخلاه يقف عند سدره المنتهى شجره الى عندها الجنه المكان ده الى وقف فيه النبى جبريل موقفش فيه محدش وقف فيه غير النبى صلى الله عليه وسلم ... وكمان يا اخواتى اول من يفتح باب الجنه فى الاخره النبى محمد صلى الله عليه وسلم شوف قد ايه ربنا بيحب نبيه .؟؟ شفت عظمه النبى قد ايه عند ربنا ؟؟؟ وكمان يا اخواتى تعرفوا يا اخواتى ان ربنا حلف بحياه سيدنا محمد ؟؟ وقال لعمرك انهم فى سكرتهم .. ربنا محلفش بحياه حد من الانبيااء الا بحياه النبى صلى الله عليه وسلم ... شفت قدر النبى ايه عند ربنا ؟؟؟ وكمان يا اخواتى تعرفوا ان ملك الموت اول ما جه عند النبى صلى الله عليه وسلم استئذن منه قبل الدخول وملك الموت قال ليه لم اسائذن من احد قبلك ولا استئذن من احد بعدك .. ياااااااااه ملك الموت يستاذن من النبى قبل الدخول ... اى قدر واى عظمه واى كرامه هذه للنبى ؟؟؟
وكمان يا اخواتى طبعا فى الكتب السماويه معروف فيها ان فى نبى هيظهر اخر الزمان فى التوراه والانجيل اليهود كانوا عاوزين النبى يكون منهم اول ما خرج النبى صلى الله عليه وسلم فى العرب اشتد غيظهم وكانوا عاوزين يقتلوه .... يعنى اليهود كانوا عاوزين النبى يبعث فيهم وده كله لقدر النبى صلى الله عليه وسلم
وبرضو يا اخواتى النبى صلى الله عليه وسلم قال ... انا سيد ولد آدم يوم القيامة وأول من ينشق عنه القبر وأول شافع مشفع...
وايضا قال ...مثلي ومثل الأنبياء منقبلي كمثل رجل ابتنى بيوتا فأحسنها وأجملها وأكملها إلا موضع لبنة في زاويةمن زواياها فجعل الناس يطوفون ويعجبهم البنيان ، فيقولون : ألا وضعتهاهنا لبنة فيتم بنيانك .. فقال محمد صلى الله عليه وسلم فكنت أنا اللبنة

شفتوا اخواتى قدر النبى محمد قد ايه ؟؟؟ انا يعتبر مقلتش حاجه خالص والله لسه لو اتكلمت للصبح مش هقدر اوفى قدر ومكانته النبى صلى الله عليه وسلم فولله لا يعرف قدر النبى الا الرب العلى ....
يا اخواتى يا اخواتى والله قدر النبى كبير .. وبعد ما عرفنا بعض الشى عن قدر النبى صلى الله عليه وسلم عند الله ...ينفع كده نقع ونسكت ونسمح للناس دى تهين خير البشر ؟؟؟ يا اخواتى هل نصرتم النبى صلى الله عليه وسلم ؟؟؟ احنا عملنا ايه يا اخواتى .. ولا شى ... انا هقولكم موقفين بس موقف لطفلين نصروا النبى صلى الله عليه وسلم ... وموقف لللكلب الى نصر النبى صلى الله عليه وسلم متستغربوش ...
الموقف الاول... طفلين كانوا ايام النبى صلى الله عليه وسلم فى غزوه بدر الطفلين دول عندهم 16 سنه دول سالوا واحد من الصحابه وقالوا له فين ابو جهل ؟؟ فالصحابى سالهم ليه انتم عاوزينه ؟؟؟ فراح الطفلين قالوا احنا سمعنا ان ابى جهل سب النبى صلى الله عليه وسلم واحنا هنروح ونقتله ومش هنرجع الا وهو مقتول لاما احنا هنموت لاما هو . فالصحابى اشار على ابى جهل يعنى عرفلهم شكل ابى جهل فالطفلين جروا وانقضوا وضربوه بالسيف الاثنان .. ورجعوا وهم فرحين وهم يقوالوا للنبى انا قتلت ابى جهل والاخر يقول انا الى قتلته فالنبى قالهم ارونى السيفين فنظر فوجد اثار الدم فى سيف كل من الطفلين .. يعنى هما الاتنين قتلوه ... يااااااااه طفلين عندهم 16 سنه ميصبروش على واحد سب النبى ؟؟؟؟ ياااااااه
خدوا الموقف الثانى والاعجب ...النصارى زمان كانوا عازمين المغول عندهم فى حفل علشان يدعوهم لدين النصرانيه فراح واحد نصرانى سب النبى صلى الله عليه وسلم فكان فى كلللب مربوط فالكلب زمجر وغضب والسلسله الى مربوط فيها فكها من شده الغضب وانقض على النصرانى الى سب النبى والناس خلصوه بالعافيه وربطوه تانى فواحد قاله انه الكللب عمل كده علشان سبيت النبى محمد فقالهم لا يمكن الكللب غضبان علشان مربوط .. فالنصرانى عاود السب مره تانى قعد يسب فى النبى اكثر من المره الاولى فالكلللب غضب غضبه شديده وزمجر فانفلتت السلسه وانقض على النصرانى الى بسيب النبى فقتله فاسلم اربعين الف واحد من الى واقفين !! تخيل لما شافوا الكلب ودفاعه عن النبى اسلمواااااااا... وانا وانتم ماذا نقول ؟؟؟ والله عار علينااا
يا اخواتى احنا مش هننصر النبى بالبكاااء والمظاهرات والخراب والحرق والتدمير لالالالالا على الاطلاق
احنا هننصر نبينااااا باتباع سنته .. انا لو سالت اى حد فيكم وقلتله انت بتحب النبى ولا لا ؟؟ اكيد بيقول بحبه طبعا ... وهو اكيد بعيد عن سنه النبى محمد ده مش حب صادق والله .. ربنا بيقول قل ان كنتم تحبون الله فاتبعونى يحببكم الله .. وصدق القائل اذ يقول ... من يدعى حب النبي ولم يفـد من هديهفسفاهة وهراء:: فالحب أول شرطه وفروضه إن كان صدقا طاعة ووفاء
وان المحب لمن احب مطيع . وهنا حان الوقت علشان اطرح السؤال المهم . وهو ... كـــــــيف ننصـــــر النبى صلى الله عليه وسلم ؟؟؟

اول حاجه يا اخواتى ... اتباع سنته .. نقلد النبى فى كل حاجه فى الاكل والشرب واللبس فى النوم فى اخلاقه ونسمع كلام النبى صلى الله عليه وسلم ونطيعه
ثانى حاجه ... كثره الصلاه عليه ... نصلى كثيررررر على النبى صلى الله عليه وسلم
ثالث حاجه ... نشر دعوته ... يعنى نشر دين الاسلام . واحنا يا اخواتى فى عصر التقدم التكنولجى والانترنت وكل حاجه دلوقتى بقيت ساهله من على النت
رابع حاجه نشر سيره النبى صلى الله عليه وسلم ... يعنى مثلا نعمل منتديات عن النبى محمد تتكلم عن السيره النبويه كلهاااا وكل مواقف النبى صلى الله عليه وسلم ... وكمان نعمل جروبات على الفيس بوك ننشر فيها مواضيع عن النبى بس تكون اجزااء يعنى مره نقول موضوع فيه ن اخلاق النبى ومره موضوع فيه عن رحمه النبى ومره عن صبر وحلم وعفو النبى وهكذاااااااا.....
وكمان ما اجمل ان يكون حد عنده لغه ويترجم احاديث النبى صلى الله عليه وسلم عن اخلاقه وعفوه مع الغير مسلمين وينرشهااااا فى كل مكان .... يبقى بكده دعينا الغير مسلمين لديناااا
رابع حاجه يا اخواتى .... نشترى كتيبات ومطويات صغيره تتكلم عن اخلاق النبى ... وكتيبات تتكلم عن سنن النبى صلى الله عليه وسلم ... وكتيبات تتكلم عن وصف النبى .. ونوزعها لما نكون فى المدرسه او فى الجامعه والله يا اخواتى ما هتكلفكم حاجه الكتيب ب 75 قرش بس او بجنيه
حاجه تانى نعامل الناس باخلاق النبى يا اخواتى احنا واجب علينا نطبق سنه النبى صلى الله عليه وسلم على ارض الواقع مش كلام وبس ، فنصرة النبي صلى الله عليه وسلم لا تأتي إلا بإتباعه وإتباعه لن يأتي إلا بمحبته كيف تدعي انك تنصره وأنت لم تتخلق بعـدُ بأخلاقه ، وأنت مضيعٌ للصلاة ، وأنتِ يا أختاه مضيعة للحجاب .. كيف ننصره ونحن نأكل الربا ونأكل أموال اليتامى ، ونعِـق الوالدين ونظلم الجيران يا اخواتى نرجع لسنه النبى صلى الله عليه وسلم ونتبع النبى ويكون ده كله تطبيق على ارض الواقع وبكده هنكون نصرنا نبينا .... صلى الله عليه وسلم
وبقى ان اقول .... والله لم ولن يستطيعواااااا ان يطفئوا نور الشمس بافواهم ... ولم ولن يستطيعواااا ان يمحوا ذكره صلى الله عليه وسلم ......فلا يضر السماء ان تمتد اليهاااا يد شلاااء ... والله ما يزداد النبى بالذى يحدث الا قدررررا وعلو مكانه ... فالله عز وجل كفيل بان يكفى هؤلاء الكفار الملاعين قال الله عز وجل ... انا كفيناك المستهزئين .. وقال .. والله يعصمك من الناس ...
فالحرب يا اخواتى قديمه .. والصراع بين الحق قديم منذ قدم الحياه الدنيا وتستمر هذه الحرب على النبى الى ان يرث الله الارض ومن عليهاااااا ولكن يابى الله الا ان يتم نوره ولو كره الكفرون ...
فالله هو الذى يدافع عن نبيه .. قال الله عز وجل ... ان الله يدافع عن الذين امنوا ..
اخواتى اكتفى بهذا القدر

وصلى اللهم على محمد وعلى اله وصحبه اجمعين
والسلام عليكم ورحمه الله وبركاته