: !!احـــــــذروا الخلــــــــوة !!

[كن مع الله]

بسم الله الرحمن الرحيم
والحمد لله رب العلمين والصلاة والسلام على اشرف خلق الله محمد وعلى اله وصحبة اجمعين وبعد ----
اخوانى \\ اخواتى حياكم الله جميعا ------- النهاردة ان شاء الله هنتكلم عن موضوع مهم جدااا وخطير ومنتشر فى الواقع الى احنا عايشين فية الموضوع هيكون عن الخلـــــــــوة
نبدا بالراحة كدة يعنى اية خلوة ؟؟
ا[COLOR="Blue"]لخلوة يا اخواتى هى ان ينفرد الرجل بامراة اجنبية بعيد عن اعين الناس -- اجنبية يا جماعة يعنى لا تحل لية ان يمشى معاها او يكون معاها فى مكان واحد زى كدة ابن العم وابن الخال او اى رجل غريب
طيب يعنى اية الكلام دة برضو ؟؟
يعنى مينفعشى يكون ولد وبنت قاعدين لواحديهم فى مكان واحد ومحدش شايفهم من الناس --- دة حررررام وهو دة معنى الخلوة --
طيب تعالوا كدة نضرب امثلة بالراحة علشان نفهم اكثر --
يعنى مثلا مينفعشى الست تفتح الباب لحد فى غياب زوجها حتى ولو كان اخو زوجها والله ما ينفع !!
ولا تفتح باب بيتها لاصحاب زوجها !
وبرضو مينفعش تدخل حد فى بيتها من قرايبها هى فى غياب زوجها زى ابن عمها او ابن خالها !
حتى ولو كانت مش متزوجة دة اخطر مينفعش تدخل حد فى البيت فى غياب اهلها !
ولا تقول دة ابن عمى عادى انا وهو متربين مع بعض وزى اخويا لالا والله ما ينفع يا جماعة الست ست والراجل راجل
مينفعش نحط البنزين جمب النار والله ما ينفع !
طيب انا اتاخرت عليكم فى الدليل مش هتاخدو الدليل منى ؟؟
اهو الدليل معاكم اقرا واقراى !
قال النبى صلى الله علية وسلم اياكم والدخول على النساء فقال رجل من الانصار يا رسول الله افرايت الحمو ؟؟ فقال النبى الحمو الموت -- جميل الحديث
يلا كدة نشرحة خطوة خطوة --
النبى بيقول لاصحابة ويحذرهم اوعوا تدخلوا على نساء وهما قاعدين لوحديهم فى البيوت فراح واحد من اصحاب النبى قال لية يا رسول الله افرايت الحمو ؟؟ يعنى طيب حتى ولو كان اخويا او حد من قرايبها هى زى ابن عمها او ابن خالتها مش عادى يعنى هما قرايبها اهو ؟ فراح النبى رد على الصحابى وقال لية القرايب دول الى يروحوا يزوروها فى غياب زوجها دة موت وهلاك ليها !!
يا الله عارفين لية كدة ؟
لان اول ما يكون رجل وامراة لوحديهم بنت ولد لوحديهم الشيطان هيكون ثالثهم ويلعب الشيطان هنا يزين البنت للولد يعنى يخليها حلوة فى عينة حتى ولو كانت شكلها مش جميل ويروح للبنت ويجمل الولد فى عينها يخلية شكله جميل حتى ولو مش جميل ويقعوا فى الفاحشة عياذاا بالله ودة مش من اول مرة الشيطان ليه خطوات نظرة فبتسامة فى مقابله لغاية ما يقعوا فى الفاحشة
لذلك مينفعش حد من اقرباء الزوجة ابن عمها او ابن خالتها يروح فى بيتها فى غياب زوجها وهو اسمة قريبها ما بالكم بالغريب الى يكون مع بنت لوحديهم ؟؟
يعنى ما بالكم بشاب يخلو ببنت باسم الصداقة فى الجامعة ويقف معاها فى مكان بعيد ويمكن مفيش مانع عندة ياخذها ويقعد على الكورنيش ويروح مكان بعيد ويفسحها -- دة النبى لو شاف دة كان قال اية علينا فى الزمن العجيب دة ؟؟
خدوا دليل تانى على انه حرام البنت تكون مع الولد فى مكان وحدهم
قال رسول الله صلى الله عليه وسلم " ما خلا رجل بامرأة إلا كان الشيطانُ ثالثَـهما
يعنى اول ما تكون بنت مع ولد فى مكان وحدهم بعيد عن الناس الشيطان هيكون الثالث بمعنى انه هيوقعهم فى الفاحشة
لانة يا جماعة المراة بطبيعتها تميل للرجل والرجل بطبيعتة يميل للمراة فمينفعش يكونوا فى مكان واحد والشيطان زى ما قلت لية خطوات وربنا حذرنا فى القراءن وقال
يا أيها الذين آمنوا لا تتبعوا خطوات الشيطان ومن يتبع خطوات الشيطان فإنه يأمر بالفحشاء والمنكر
طيب تعالوا احكى ليكم قصة القصة دى عن واحد اسمة برصيصا اسم شخص برصيصا
الراجل دة كان عابد وزاهد صوام يصوم وقوام يقوم الليل لية مكان مخصص يعبد فية ربنا هو ترك الدنيا وعايش علشان يعبد ربنا والناس كلها عارفة انه رجل صالح وكان فى ثلاثة من الشباب جيرانة والشباب دول معاهم اخت بنت فالشباب راحوا لبرصيصا دة وقالوا لية احنا راحين نجاهد فى سبيل الله ومعانا اختنا واحنا هنسيبها فى البيت فاحنا مش هنلاقى حد يحافظ عليها غيرك لانك رجل صالح انتا بس اطمن عليها وحط ليها الاكل قدام البيت وهى هتخرج وتاخدة فراح وافق برصيصا --
مشى الشباب سافروا وهنـــــــــــا بدا دور الشيطان الملعون وخدوا بالكم فى خطواتة بدا ازاى قعد يوسوس لبرصيصا ويقوله دى امانة ولازم ترعاها --
بالفعل برصيصا كان يجيب الاكل ويحطوا للبنت قدام الباب ويمشى وخلاص
ولكن الشيطان هيسيبوا فى حالوا ؟؟ لا طبعا -- بدا الشيطان يوسوس فية ويقوله فيها اية لما تسلم على البنت من وراء الباب انتا مش هتشوفها انتا هتسلم عليها وتتطمن عليها وبس علشان هى وحيدة فراح بالفعل بدا كل يوم يسلم عليها من وراء الباب من غير ما يشوفها الشيطان يسكت لالا مش احنا قلنا لية خطوات! بدا بعد كدة يوسوسة ويقوله المسكينة قاعدة لوحدها فى البيت محدش يؤنس وحدتها مفهاش حاجة لو رحت وزرتها فى البيت
برصيصا بالفعل راح زار البنت فى البيت ووقعت المصيبة وزنا بيها وحملت طيب انتهت القصة ؟؟ لالا بعد ما وقع فى الفاحشة معرفش يعمل اية الشيطان الملعون جالوا تانى وقال لية الحل الوحيد انك تقتلها هى وابنها راح بالفعل قتلها هى وابنها وراح دفنهم فى جبل مرت الايام ورجع اخواتها من السفر راحوا عند برصيص وسالوا عن اختهم فراح برصيصا كذب وقال ليهم هى مرضت وماتت هما صدقوة لانه رجل كان صالح وعابد
فراحوا الشباب على البيت وناموا راح الشيطان جة ليهم فى المنام هما الثلاثة ونفس الحلم الشيطان الى جالهم فى المنام وقال ليهم اختكم قتلها برصيصا الراهب بعد ما ارتكب الفاحشة ودفنها فى المكان الفلانى هما الثلاثة نفس الحلم فراحوا استيقظوا من النوم وراحوا عند الجبل وبالفعل وجدوا اختهم مقتوله وابنها مقتول راحوا عند برصيصا وكسروا المكان بتاعوا وراحوا قالوا للملك فالملك امر بصلبة وقتله الى هو برصيصا ممكن طبعا لو تاب كان ربنا قبل توبتة ولكن الشيطان هيسيبوا فى حالو ؟ لا طبعا راح الشيطان قال لية محدش هينجيك من القتل غيرى انا بس بشرط انك تسجد ليا سجدة فرا برصيصا سجد للشيطان والملك جة وقتله وهو ساجد للشيطان !!!!!!!
يا الله برصيصا الرجل العابد الصالح الصوام القوام يقع خدوا بالكم معايا كدة يقع فى الزنا ثم القتل ثم الكذب ثم الكفر لانة سجد لغير الله ؟؟ كله دة علشان اية من الاول مش علشان قعد مع البنت فى مكان واحد ومحدش معاهم من الناس ؟
يبقى صدق النبى وهو بيقول ما خلا رجل بامراة الا وكان الشيطان ثالثهما
يعنى بعد كدة ما يجيش واحد يقول انا اخويا رجل صالح وتقى ونقى مفيهاش حاجة لما يروح يزور اولادى وانا مسافر لا فيها وفيها واهى القصة خير شاهد والله يا اخواتى اعرف قصص تشيب ليها الرؤس ادخلوا النت واقرا والله هتجدوا العجب العجاب
طيب وكمان يا اخواتى برضو مينفعشى مثلا بنت تركب تاكسى مع ولد لوحدهم مينفعش لازم يكون فى جمع من الناس يكون فى مجموعة من صحباتها معاها
وكمان مينفعشى برضو واحد وخطيبتوا يقعدوا لوحديهم فى مكان بعيد عن الاهل بغرض انهم يتعرفوا على بعض اكتر لا طبعا الخطبه ليها ضوابط شرعية
وكمان مينفعشى برضو وحدة ست تروح عند دكتور لوحديها والله ما ينفع لازم حد يكون معاها سواء زوجها او اخوها او عمها او خالها واصلا يا اخواتى لازم البنت تكشف عند طبيبة مسلمة اما لو مفيش الطبيبة المسلمة فى قسم حاجة معينة من الطب يجوز ليها تروح عند طبيب بس بشرط يكون معاها زوجها او اخوها --
يا جماعة الاصل فى منع الولد والبنت انهم يكونوا لوحديهم طبيعة الرجل والمراة وربنا هو الى اعلم بينا اقرا اقرا قول الله - الا يعلم من خلق وهو اللطيف الخبير -- يعنى محدش بعد كدة يقول انا شايف انه دة عادى لالا انتا شوف براحتك ولكن ربنا والنبى امرك بحاجة ما عليك الا تقول سمعت واطعت يا رب
ممكن حد يقولى انتى من الصبح تقولى مينفعشى مينفعشى وتعقدى فينا وتقولى حرام وحرام امال اية الى ينفع انتوا تحرموا وتحللوا كفاية عقد وتخلف وجهل فيها اية يعنى لما اخرج انا وابن عمى ونروح مشوار فيها اية يعنى لما اقف انا وزميلى فى الجامعة ؟ فيها اية يعنى لو ابن عمى جة وزارنى فى البيت ؟ فيها اية يعنى لما اخو زوجى لما يجى يزورنى فى غيابة ؟ اختى حبيبة قلبى عارفة فيها اية ؟ فيها ان النبى خايف عليكى لحسن حد يؤذيكى لانك انتى فى الاسلام غالية جدا ودرة مكنونة وجوهرة وماسة غالية الاسلام عاوز يحفظك وربنا والنبى قال كدة انه مينفعش ولد وبنت يقعدواا لوحديهم لانه هما عارفين مصلحتك وربنا عالم بطبيعة الرجل والمراة فالله جل جلالة مش محتاج مننا طاعة والله لنفسك لانه الله يحب عبادة فانتى لو تسمعى القصص الى بتحصل يا غالية والله هتحمدى ربنا على الاسلام الى عاوز يحفظك من كل سوء فانتى اسمعى كلام ربنا والنبى واوعوا بعد كدة نقعد مع ولد سواء فى الجامعة او فى اى مكان تانى وحاربى الشيطان واوعى تعطى لية فرصة واحدة بس انه يقرب منك ويوسوس ليكى ودة يحصل لما تكونى معتصمة بالله جل جلالة وقريبة من ربنا
وانتى وصية ليك يا اخى برضو اوعى تجلس فى خلوة مع البنات لان الشيطان زى ما يوسوس للولد يوسوس للبنت ويزينهم لبعض
وبكدة اخواتى يكون الكلام فى موضوع الخلوة انتهى اررجو ان اكون وفقت لشرحة والله المستعان والموضوع القادم سيكون عن الاختلاط باذن الله
وصلى اللهم على محمد وعلى اله وصحبة اجمعين[/COLOR]

والسلام عليكم ورحمة الله وبركاتة