|
| جديد المواضيع |
| للإعلان هنا تواصل معنا > واتساب |
|
|||||||
 |
|
|
أدوات الموضوع |
|
#1
2013-07-17, 04:31 PM
|
|||
|
|||
اخــتــاه ..كـيـف تــســتــغــلــيــن رمضــان
 كل عام وانتم بخير والى الله اقرب واعانكم الله على صيام رمضان وقيامه وبلغكم الله ليله القدر  ازاى تستغلى رمضان؟؟؟؟؟؟؟؟؟؟؟ دخل رمضان وحبيبت اوجه رساله لاختى المسلمه علشان رمضان ميضعش منها وتقدر تستغل كل دقيقه فيه لان فى رمضان اغلبيه الوقت بيضيع فى تجهيز الاكل والفطار والمشروبات وخاصه من بعد العصر للمغرب والفتره دى افضل فتره للدعاء والذكر فكتير مننا بيضيع منها الوقت كل يوم وعلى مدار الشهر كله فعلشان نستغل الوقت ده فى الطاعه والعباده وميضعش مننا رمضااان لازم نفكر فى حل من خلاله نقدر نستغل كل دقيقه فى رمضان فى الطاعه والعباده وفى نفس الوقت برضو نحضر الفطار للاهل او الزوج طيب يا ترى ايه هو الحل ؟؟؟؟؟ الحل بسيط جداا وهو انك وانتى بتحضرى الاكل اذكرى ربنا بالتسبيح والتهليل والتكبير والاستغفار والدعاء خلى لسانك رطب بذكر الله وانتى بكده هتغتنمى اجر عظيم فى كلمات بسيطه تنطقيها فلك بكل تسبيحة صدقة وكل تحميدة صدقة وكل تكبيرة صدقة وكل تهليلة صدقة النبى صلى الله عليه وسلم قال يصبح على كل سلامى من احدكم صدقه فكل تسبيحه صدقه وكل تحميده صدقه وكل تهليله صدقه وكل تكبيره صدقه وامر بالمعروف صدقه ونهى عن المنكر صدقه رواه مسلم وقال النبى صلى الله عليه وسلم كلمتان خفيفتان على اللسان ثقيلتان فى الميزان حبيبتان الى الرحمن سبحان الله وبحمده سبحان الله العظيم الحديث رواه البخارى ومسلم وقال النبى صلى الله عليه وسلم من قال سبحان الله العظيم وبحمده غرست له نخله فى الجنه رواه الترمذى بذكرك لله هتنولى الاجر ده كله وفى نفس الوقت متضيعيش دقيقه واحده من رمضان حتى لو كنتى مشغوله تانى حاجه وانتى فى المطبخ هاتى راديو اوعلى صوت التلفزيون وشغلى اذاعه القرءان الكريم واسمعى قرءان او اسمعى درس او محاضره او برنامج دينى وبكده برضوا مفيش وقت هيضيع منك ثالث حاجه وانتى بتحضرى الفطار خلى نيتك دى لله واحتسبى العمل ده لله وربنا هيؤجرك على نيتك دى لانك بتعملى الاكل ده لزوجك او اهلك فانتى بتفطرى ناس صايمه وفى حاجه مهمه جدا تكسبك حسنات كتييييير اووووى وهى مشــــــــروع تـــفـــطــيــــــر صــــائـــــم وانتى بتحضرى الاكل اعملى حساب جارتك الفقيره او بيت فقير من بيوت المسلمين واعطيهم الاكل ده يــــــــــاااااااااااه لما تفطرى بيت مسلم عائله مسلمه فقيره تخيلى هتكسبى حسنات اد ايه ؟؟؟؟؟؟؟؟؟؟؟ ده انتى لما تفطرى واحد مسلم هتاخدى اجره كانك انتى اللى صمتى شوفى النبى صلى الله عليه وسلم بيقول ايه ؟؟ عن زيد بن خالد الجهني رضي الله عنه عن النبي صلى الله عليه وسلم قال من فطر صائما كان له مثل أجره غير أنه لا ينقص من أجر الصائم شيء رواه الترمذي وقال حديث حسن صحيح ما بالك بقى لو فطرتى بيت كامل ؟؟؟؟ اجر كبييييير غير السعاده اللى هتدخليها عليهم واكيد بيزيد اكل كتيتتير من الاكل اللى انتى حضرتيه فبدل ما يترمى فى القمامه اعطيه لناس فقيره وكله هيكون فى موازين حسناتك وبكده اختى رمضان مش هيضيع منك فى الاكل او العزومااات لو طبقتى الخطوات اللى اتفقنا عليها مش عاوزين رمضان يضيع مننا يا بنات فى حجات فاضيه رمضان فرصه للتوبه والتغير والقرب من ربنا رمضان فرصه للرحمه والمغفره رمضان فرصه للعتق من النيران اوعى تضيعى الفرصه دى منك لو ضاعت الفرصه دى مش هتتعوض تانى يمكن متعشيش لرمضان تانى اتمنى اننا نطبق كل الخطوات دى علشان رمضان ميضعش اكتفى بهذا القدر وصلى اللهم على محمد وعلى اله وصحبه اجمعين والسلام عليكم ورحمه الله وبركاته  
|
|
#2
2015-06-17, 06:55 PM
|
||||
|
||||
جزاكم الله خيرًا.
__________________
 قـلــت :
|
|
| أدوات الموضوع | |
|
|
